DCയുടെ വിജയത്തിന്റെ സന്തോഷത്തില് അണിയറപ്രവർത്തകർക്ക് BMW കാർ സമ്മാനമായി നൽകി നിര്മാതാക്കളായ സണ് പിക്ചേഴ്സ്. സംവിധായകന് അരുണ് മാതേശ്വരന്, നായകന് ലോകേഷ്, സംഗീത സംവിധാനം ചെയ്ത അനിരുദ്ധ് എന്നിവര്ക്ക് സണ് പിക്ചേഴ്സിന്റെ ഉടമ കലാനിധി മാരന് ബിഎംഡബ്ല്യൂ കാര് സമ്മാനമായി നല്കുന്നതിന്റെ വിഡിയോയും ചിത്രങ്ങളും ഇതിനോടകം വൈറലായി. DCയിലെ നായികയായ വാമിഖയ്ക്ക് കാറൊന്നും നല്കാത്തതില് പലരും സണ് പിക്ചേഴ്സിനെ വിമർശിച്ച് നിരവധി പേർ രംഗത്തെത്തിയിട്ടുണ്ട്. ‘ഡിസി’ എന്ന സിനിമയില് ലോകേഷും അനിരുദ്ധും എത്ര മാത്രം പ്രധാനമാണോ അത്രത്തോളം പ്രാധാന്യം വാമിഖയ്ക്കും ഉണ്ടെന്ന് വിഡിയോക്ക് താഴെ കമന്റുകളുണ്ട്. സണ് പിക്ചേഴ്സ് ഇത് ആദ്യമായല്ല സിനിമയുടെ വിജയത്തില് അണിയറപ്രവര്ത്തകര്ക്ക് കാര് സമ്മാനിക്കുന്നത്.
അരുൺ മാതേശ്വരൻ സംവിധാനം ചെയ്ത ചിത്രത്തിൽ ലോകേഷ് കനകരാജ് ആണ് നായകനായെത്തിയത്. 100 കോടിയിലേറെ ചിത്രം കളക്ട് ചെയ്യുകയും ചെയ്തിരുന്നു. കഴിഞ്ഞദിവസം ‘ഡിസി’ ഒടിടി സ്ട്രീമിങ് ആരംഭിക്കുകയും ചെയ്തു. ചിത്രത്തിൽ അനിരുദ്ധ് രവിചന്ദറിന്റെ ബാക്ക്ഗ്രൗണ്ട് സ്കോർ ആണ് ഏറ്റവും കൂടുതൽ കയ്യടി വാങ്ങിയത്. വാമിക ഗബ്ബിയാണ് ചിത്രത്തിലെ നായികാവേഷം ചെയ്തിരിക്കുന്നത്.
റോക്കി, സാനി കായിദം, ക്യാപ്റ്റൻ മില്ലർ എന്നീ ചിത്രങ്ങൾക്ക് ശേഷം അരുൺ മാതേശ്വരൻ സംവിധാനം ചെയ്യുന്ന ചിത്രമാണിത്. സഞ്ജന കൃഷ്ണമൂർത്തിയാണ് ചിത്രത്തിലെ മറ്റൊരു പ്രധാന വേഷം ചെയ്യുന്നത്. വയലൻസിനും പ്രണയത്തിനും പ്രാധാന്യമുള്ള ചിത്രത്തിൽ വൈകാരിക നിമിഷങ്ങളും ഉണ്ടെന്നാണ് പ്രേക്ഷക പ്രതികരണങ്ങള്.
