പൃഥ്വിരാജിനെ നായകനാക്കി നിസാം ബഷീർ ഒരുക്കിയ സിനിമയാണ് ഐ നോബഡി. ഒരു ഹീസ്റ്റ് ത്രില്ലറായി പുറത്തുവന്ന സിനിമയ്ക്ക് സമ്മിശ്ര പ്രതികരണം ആണ് ലഭിച്ചത്. തിയേറ്ററിൽ കാര്യമായ ചലനമുണ്ടാക്കാൻ സിനിമയ്ക്ക് കഴിഞ്ഞിരുന്നില്ല. ഇപ്പോഴിതാ സിനിമയുടെ പരാജയത്തെക്കുറിച്ച് മനസുതുറക്കുകയാണ് ഷേണായ്സ് തിയേറ്റർ ഉടമയായ സുരേഷ് ഷേണായ്. ‘ഐ നോബഡി ഒരു ഷോക്കിങ് എക്സ്പീരിയൻസ് ആയിരുന്നു. സിനിമയുടെ കളക്ഷൻ രണ്ടാം ദിവസം മുതൽ ഡ്രോപ്പ് ആകാൻ തുടങ്ങി. പിന്നെ അത് കുറഞ്ഞുകൊണ്ടേ ഇരുന്നു. സിനിമയുടെ ദൈർഘ്യം ഒരുപാട് കൂടിപ്പോയി. സെക്കൻഡ് ഹാഫിൽ ഒരുപാട് ലാഗുണ്ടായിരുന്നു. അത് ആളുകളെ മുഷിപ്പിച്ചു. എന്നാൽ സിനിമയുടെ ആദ്യ പകുതി ഗംഭീരമായിരുന്നു.
രണ്ടാം പകുതിയിൽ അവർ ഒരുപാട് കാര്യങ്ങൾ പറയാൻ നോക്കി. അതാണ് അതിന്റെ പരാജയം എന്നാണ് എനിക്ക് തോന്നുന്നത്. ഇൻഡസ്ട്രിയെ ഷോക്ക് ആക്കി അത്’, സുരേഷ് ഷേണായിയുടെ വാക്കുകൾ. അശോകന്, വിജയരാഘവന്, മധുപാല്, ശങ്കര് രാമകൃഷ്ണന്, നക്ഷത്ര, ഐറാ, നിഷാന്ത് സാഗര്, നന്ദു, നൗഷാദ് ബോംബെ, ജിജോയ് രാജഗോപാല്, ഖാലിദ് റഹ്മാന്, സഞ്ജു ശിവറാം, സുധി കോപ്പ, ബീന ചന്ദ്രന്, സന അല്താഫ്, കൃഷ്ണന് ബാലകൃഷ്ണന്, ദിനേശ് ആലപ്പുഴ, റോണി വര്ഗീസ്, മനോജ് കെ യൂ, ഇര്ഷാദ് അലി, സുധി കോഴിക്കോട്, മഹേന്ദ്രന്, ആല്ബിന് അലക്സ്, ജിതിന് മദനന് എന്നിവരും ചിത്രത്തില് അഭിനയിക്കുന്നുണ്ട്.
