യുവതാരങ്ങളില് ശ്രദ്ധേയനായ നസ്ലനെ കേന്ദ്ര കഥാപാത്രമാക്കി അഭിനവ് സുന്ദര് നായക് ഒരുക്കിയ സിനിമയാണ് മോളിവുഡ് ടൈംസ്. ജൂണ് അഞ്ചിന് റിലീസിനെത്തിയ സിനിമ രണ്ടാഴ്ച പിന്നിടുമ്പോഴും ലോകമെമ്പാടുമുള്ള സിനിമാ പ്രേമികളുടെ കയ്യടി നേടിക്കൊണ്ട് തിയറ്ററുകളില് നിറഞ്ഞോടുകയാണ്. ബോക്സ് ഓഫീസിലും ഹിറ്റായി ട്രെന്ഡിങ് നിലനിര്ത്തുകയാണ് മോളിവുഡ് ടൈംസ്. ചിത്രം സംവിധായകൻ അഭിനവ് സുന്ദര് നായകിന്റെ ബിയോപിക് ആണെന്ന തരത്തിൽ റിപ്പോർട്ടുകൾ സോഷ്യൽ മീഡിയയിൽ ഉയർന്നിരുന്നു. ഇപ്പോഴിതാ ഇതിൽ പ്രതികരിക്കുകയാണ് അഭിനവ്. ക്യു സ്റ്റുഡിയോക്ക് നൽകിയ അഭിമുഖത്തിലാണ് അഭിനവിന്റെ പ്രതികരണം.
‘ആദ്യ ദിവസം തന്നെ മോളിവുഡ് ടൈംസ് എന്റെ ബിയോപിക് ആണെന്ന തരത്തിൽ പോസ്റ്റുകൾ വരാൻ തുടങ്ങിയിരുന്നു. ഞാൻ ഒരിക്കലൂം ബിയോപിക് ആണെന്ന് പറഞ്ഞിട്ടില്ല. എന്റെ എക്സ്പീരിയൻസ് അതിൽ ഉണ്ട്. ഞാൻ എന്നെ ഒരിക്കലും ഇത്രയും ടാലന്റഡ് ആയോ നല്ലവനായോ കാണിക്കാൻ ഉദ്ദേശിച്ചിട്ടില്ല. ഉറപ്പായും വളരെ പേർസണൽ ആയ സിനിമയാണ് മോളിവുഡ് ടൈംസ്. പക്ഷേ ഇതൊന്നും നമുക്ക് പറഞ്ഞു ക്ലാരിഫൈ ചെയ്യാൻ കഴിയില്ല’, അഭിനവിന്റെ വാക്കുകൾ. ചിത്രത്തില് നസ്ലനെ കൂടാതെ സംഗീത് പ്രതാപ്, ഷറഫുദ്ദീന്, റോഷന് ഷാനവാസ്, ജഗദീഷ്, അപ്പുണ്ണി ശശി, പ്രശാന്ത് അലക്സാണ്ടര്, ബാലചന്ദ്രന് ചുള്ളിക്കാട്, അല്ത്താഫ് സലീം, ഗോപിക രമേശ്, രാജേഷ് മാധവന് എന്നിവരാണ് മറ്റ് അഭിനേതാക്കള്. കൂടാതെ രണ്ട് പ്രമുഖ താരങ്ങളും അതിഥി വേഷത്തില് എത്തുന്നുണ്ട്.
ആഷിക് ഉസ്മാന് പ്രൊഡക്ഷന്സിന്റെ ബാനറില് ആഷിക് ഉസ്മാന് തന്നെ നിര്മ്മിക്കുന്ന ചിത്രത്തിന്റെ തിരക്കഥ രചിക്കുന്നത് രാമു സുനിലാണ്. ക്യാമറ കൈകാര്യം ചെയ്യുന്നത് വിശ്വജിത്ത് ഒടുക്കത്തില്. സംഗീതം: ജേക്സ് ബിജോയ്. എഡിറ്റിംഗ്: നിധിന് രാജ് അരോള് & ഡയറക്ടര്, സൗണ്ട് ഡിസൈന് & മിക്സിംഗ്: വിഷ്ണു ഗോവിന്ദ്, ആര്ട്ട് ഡയറക്ഷന്: ആശിഖ് എസ്.കോസ്റ്റ്യൂം: മാഷര് ഹംസ, മേക്കപ്പ്: റോണെക്സ് സേവിയര്, പ്രൊഡക്ഷന് കണ്ട്രോളര്: സുധര്മന് വള്ളിക്കുന്ന്, ഫിനാന്സ് കണ്ട്രോളര്: ശിവകുമാര്, ചീഫ് അസോസിയേറ്റ് ഡയറക്ടര്: രാജേഷ് അടൂര്, വിഎഫ്എക്സ്: ഡിജി ബ്രിക്സ്, കളറിസ്റ്റ്: ശ്രീക് വാരിയര്, മോഷന് ഗ്രാഫിക്സ്: ജോബിന് ജോസഫ്, പി.ആര്.ഒ: എ എസ് ദിനേശ്, സ്റ്റില്സ്: ബോയക്, ഡിജിറ്റല് മാര്ക്കറ്റിങ്ങ് ഒബ്സ്ക്യൂറഎന്റര്ടൈന്.
