സൈജു കുറിപ്പ് നായകനായി എത്തിയ ഭരതനാട്യം 2 മോഹിനിയാട്ടം റിലീസ് ആയ അന്ന് മുതല് എല്ലാ തിയേറ്ററുകളിലും നിറഞ്ഞ സദസ്സില് പ്രദര്ശനം തുടരുകയാണ്. തീയേറ്ററില് അപ്രതീക്ഷ വിജയം നേടിയ മോഹനിയാട്ടം ബോക്സ് ഓഫീസില് മികച്ച കളക്ഷന് ആണ് സ്വന്തമാക്കിയിരിക്കുന്നത്. ഇപ്പോഴിതാ സിനിമ നെറ്റ്ഫ്ലിക്സിലൂടെ സ്ട്രീമിങ് ആരംഭിച്ചിട്ടുണ്ട്. ഒടിടിയിലും മികച്ച അഭിപ്രായമാണ് സിനിമ നേടുന്നത്. ഇതിനിടെ 50 കോടി ക്ലബ്ബിലും ഇടം പിടിച്ചിരിക്കുകയാണ് ചിത്രം. പോസ്റ്റർ പങ്കുവെച്ചുകൊണ്ട് അണിയറപ്രവർത്തകർ തന്നെയാണ് ഇക്കാര്യം അറിയിച്ചിരിക്കുന്നത്.
തിയേറ്ററിൽ എത്തി അഞ്ചാം വാരത്തിലേക്ക് കടക്കുമ്പോൾ ഇപ്പോഴും പല തിയേറ്ററുകളിലും സിനിമ നിറഞ്ഞ സദസിൽ പ്രദർശനം തുടരുകയാണ്. നെറ്റ്ഫ്ലിക്സിൽ ട്രെൻഡിൽ ഒന്നാം സ്ഥാനത്താണ് ചിത്രം. ഭരതനാട്യം സിനിമയുടെ രണ്ടാം ഭാഗമായിട്ടാണ് ചിത്രം തീയേറ്ററില് എത്തിയത്. സൈജു കുറുപ്പിന്റെ കരിയറിലെ 150-ാ മത്തെ ചിത്രമാണ് മോഹിനിയാട്ടം. ചിത്രത്തിലെ സൈജു കുറുപ്പിന്റെയും സുരാജ് വെഞ്ഞാറമൂടിന്റെയും പ്രകടനത്തിന് മകച്ച പ്രതികരണമാണ് ലഭിച്ചത്. ആദ്യ ഭാഗത്തേക്കാള് മികച്ചതാണ് മോഹിനിയാട്ടം എന്നാണ് കമന്റുകള്.
ജഗദീഷ്, വിനയ് ഫോര്ട്ട്, കലാരഞ്ജിനി, ശ്രീജ രവി, സ്വാതി ദാസ് പ്രഭു, നന്ദു പൊതുവാള്, അഭിരാം, ശ്രുതി സുരേഷ്, ദിവ്യ എം നായര്, ജിനില് റെക്സ, ജിവിന് റെക്സ, നിഷ്താര് സെയ്ത്, സന്തോഷ് ബാലചന്ദ്ര വിജയ്, സല്ഖാന് വിജയ്, സല്ഖാന്, നായര് ബാബു, ജിബിന് ഗോപിനാഥ് തുടങ്ങിയവരാണ് സിനിമയിലെ മറ്റ് പ്രധാന അഭിനേതാക്കള്. തോമസ് തിരുവല്ല ഫിലിംസിന്റെയും, സൈജു കുറുപ്പ് എന്റര്ടൈന്മെന്റ്സിന്റെയും ബാനറില് ചിത്രം നിര്മ്മിച്ചത് ലിനി മറിയം ഡേവിഡ്, അനുപമ ബി നമ്പ്യാര് എന്നിവരാണ്.
