വമ്പൻ താരചിത്രങ്ങൾ മെയ് മാസത്തിൽ റിലീസിന് എത്തുമ്പോഴും തിയറ്ററിൽ ശക്തമായ സാന്നിധ്യമായി മധുവിധു രണ്ടാം വാരത്തിലേക്ക് കുതിയ്ക്കുന്നു. കോമഡി എന്റർടെയ്നർ ജോണറിലുള്ള ചിത്രത്തിന് ഫാമിലി ഓഡിയൻസിന്റെ ശക്തമായ പിന്തുണയാണ് തിയറ്ററിൽ നിന്നും ലഭിച്ചു കൊണ്ടിരിക്കുന്നത്.
ബിബിൻ മോഹന്റെയും ജയ് വിഷ്ണുവിന്റെയും രചനയിൽ നവാഗതനായ വിഷ്ണു അരവിന്ദ് സംവിധാനം ചെയ്ത ചിത്രം നിർമ്മാതാവായ അജിത് വിനായക ഫിലിംസിന്റെയും കരിയറിലെ മികച്ച വിജയം നേടിയാണ് മുന്നേറുന്നത്. ഒരു വശത്ത് ഫാമിലി പ്രേക്ഷകരുടെ പൂർണ്ണ പിന്തുണയോടെ ഒരു കോമഡി ചിത്രം ശക്തമായി തിയറ്ററുകളിൽ നിൽക്കുന്നതിനാൽ വരും ദിനങ്ങളിൽ ബോക്സ്ഓഫീസിൽ ശക്തമായ മത്സരമായ മത്സരം കാണാം.
ഷറഫുദ്ദീന്റെയും അസീസ് നേടുമങ്ങാടിന്റെയും കോമഡി രംഗങ്ങൾ തന്നെയാണ് ചിത്രത്തിന്റെ ഹൈലൈറ്റ്. ഈ വെക്കേഷൻ കാലത്ത് കുട്ടികൾക്കൊപ്പം സന്തോഷത്തോടെ തീയറ്ററിൽ ചിരിച്ച് ആസ്വദിക്കാവുന്ന ഒരു സിനിമയായെന്ന അഭിപ്രായങ്ങൾ നേടിയെടുക്കുകയാണ് മധുവിധു. ബിന്ദു പണിക്കരുടെ മകൾ കല്യാണി പണിക്കർ നായികയാകുന്ന മധുവിധുവിൽ സായ്കുമാറും, ജഗദീഷും, സഞ്ജു മധുവും, വിനീത് തട്ടിലും, ബിന്ദു പണിക്കരും ഉൾപ്പടെയുള്ള വലിയൊരു താര നിര തന്നെയുണ്ട്. ശാന്തകുമാറും, മാളവിക കൃഷ്ണദാസുമാണ് ചിത്രത്തിന്റെ സഹനിർമ്മാതാക്കൾ.
‘ഒരുപാട് നാളുകള്ക്കു ശേഷം നമ്മള് ഒരുമിച്ചു വരുന്ന സിനിമയല്ലേ, പ്രേക്ഷകര് പ്രതീക്ഷയിലാണ്’
ഛായാഗ്രഹണം – വിശ്വജിത് ഒടുക്കത്തിൽ, സംഗീതം – ഹിഷാം അബ്ദുൾ വഹാബ്, പോസ്റ്റ് പ്രൊഡക്ഷൻ സൂപ്പർവൈസർ ആൻഡ് എഡിറ്റർ- ക്രിസ്റ്റി സെബാസ്ട്യൻ, പ്രൊജക്റ്റ് ഡിസൈനർ – രഞ്ജിത്ത് കരുണാകരൻ, കലാസംവിധാനം- ഔസേപ്പ് ജോൺ, കോസ്റ്റ്യൂം ഡിസൈനർ- ദിവ്യ ജോർജ്, മേക്കപ്പ്- ജിതേഷ് പൊയ്യ, പ്രൊഡക്ഷൻ കൺട്രോളർ- സജീവ് ചന്ദിരൂർ, ചീഫ് അസ്സോസിയേറ്റ് ഡയറക്ടർ- അഖിൽ സി തിലകൻ, സ്റ്റിൽസ്- റിഷാജ് മുഹമ്മദ്, നൃത്തസംവിധാനം- റിഷ്ദാൻ അബ്ദുൾ റഷീദ്, വിഎഫ്എക്സ്- നോക്ക്റ്റേണൽ ഒക്റ്റേവ്, പബ്ലിസിറ്റി ഡിസൈൻ – യെല്ലോടൂത്ത് , മാർക്കറ്റിംഗ് – ബ്രിങ്ഫോർത്ത് , ഡിജിറ്റൽ മാർക്കറ്റിംഗ് – ആരോമൽ, പിആർഒ- ശബരി
