ഗായിക ഗൗരി ലക്ഷ്മി വിവാഹിതയായി. സോഷ്യൽ മീഡിയയിലൂടെ ചിത്രങ്ങൾ പങ്കുവെച്ച് ഗായിക തന്നെയാണ് ഇക്കാര്യം പങ്കുവെച്ചിരിക്കുന്നത്. കലേഷ് ഗോവിന്ദനാണ് വരൻ. സിനിമാ മേഖലയിൽ നിന്നും മറ്റും നിരവധി പേരാണ് ഗൗരിയ്ക്ക് വിവാഹ ആശംസകളുമായി പോസ്റ്റിന് താഴെ എത്തുന്നത്. ശക്തമായ തീമുകള് കൊണ്ടും സംഗീത പ്രേമികളുടെ മനസില് ഇടം നേടിയ ഗായികയാണ് ഗൗരി ലക്ഷ്മി. ചുരുങ്ങിയ കാലം കൊണ്ട് ഒട്ടേറെ സംഗീത ഷോകൾ ചെയ്യാൻ ഗൗരിയ്ക്കായി. ഗൗരി പാടിയ അജിത ഹരേ ജയ എന്ന ഗാനം ഒരു സമയം സോഷ്യൽ മീഡിയയിൽ ട്രെൻഡിംഗിൽ ആയിരുന്നു.
പതിമൂന്നാം വയസ്സിൽ ‘കാസനോവ’ എന്ന മലയാള സിനിമയ്ക്കു വേണ്ടി ഗാനം രചിച്ചുകൊണ്ട് സിനിമാ ജീവിതം ആരംഭിച്ച താരമാണ് ഗൗരി ലക്ഷ്മി. ‘ഗോദ’ സിനിമയിലെ ‘ആരോ നെഞ്ചിൽ’ എന്ന ഗാനവും വലിയ പ്രേക്ഷക പ്രീതി നേടിയിരുന്നു. സ്വതന്ത്ര സംഗീത ആൽബങ്ങളിലൂടെയും ഗൗരി ലക്ഷ്മി ശ്രദ്ധനേടി. ഗൗരി ലക്ഷ്മി ആലപിച്ച് 2024ൽ പുറത്തിറങ്ങിയ ‘എന്റെ പേര് പെണ്ണ്’ എന്ന് തുടങ്ങുന്ന ഗാനം സമൂഹമാധ്യമങ്ങളിൽ വലിയ ചർച്ചകൾക്ക് വഴിവച്ചിരുന്നു. ഗൗരി അടുത്തിടെ പുറത്തിറക്കിയ ‘ഹരിവരാസനം’ ഗാനത്തിന്റെ കവർ വേർഷനും ചർച്ചയായിരുന്നു. കാളി എന്ന ഗാനവും സോഷ്യൽ മീഡിയയിൽ ശ്രദ്ധേയമായിരുന്നു.
