Tamil

‘ഞാന്‍ ഒരു ‘അണ്ടര്‍ഡോഗ്’ ആണ്, എന്റെ സിനിമകളെ മക്കള്‍ രൂക്ഷമായി വിമര്‍ശിക്കാറുണ്ട്’; ധനുഷ്

തെന്നിന്ത്യന്‍ താരം ധനുഷ് സോഷ്യല്‍ മീഡിയയില്‍ തനിക്കെതിരെ ഉണ്ടാകുന്ന ട്രോളുകളെ കുറിച്ചും ഗോസിപ്പുകളെ കുറിച്ചും തുറന്നു പറയുന്നു. തന്റെ പുതിയ ചിത്രമായ ഓമിന്റെ പ്രീ റിലീസ് ചടങ്ങിനിടെയയായിരിന്നു താരത്തിന്റെ തുറന്നു പറച്ചില്‍. താന്‍ ഒരു ‘അണ്ടര്‍ഡോഗ്’ ആണെന്നും, അറിയാത്ത പല കാര്യങ്ങളിലേക്കും താന്‍ വലിച്ചിഴക്കപ്പെടുന്നുവെന്നും താരം പറഞ്ഞു. ‘തേരെ ഇഷ്‌ക് മേം’ എന്ന ചിത്രത്തിന്റെ പ്രചാരണത്തിനിടെ വസ്ത്രം ശരിയാക്കിയ സ്‌റ്റൈലിസ്റ്റിനോട് അഹങ്കാരത്തോടെ പെരുമാറി എന്ന തരത്തില്‍ വിഡിയോകള്‍ പ്രചരിച്ചിരുന്നു.

ജോലിയിലുള്ള ആത്മാര്‍ത്ഥത കാരണം പൊതുവേദിയിലാണെന്ന് പോലും നോക്കാതെ കാവ്യ തന്റെ വസ്ത്രത്തിലെ ചുളിവുകള്‍ മാറ്റാന്‍ ശ്രമിച്ചപ്പോള്‍ അത് ശ്രദ്ധിച്ചിരുന്നില്ല, എന്നാല്‍ അതിന്റെ പേരില്‍ അഹങ്കാരിയാണെന്ന പ്രചാരണം നേരിടേണ്ടി വന്നു. ജീവിതത്തില്‍ എപ്പോഴും താനൊരു ‘അണ്ടര്‍ഡോഗ്’ ആയിട്ടാണ് ജീവിച്ചിട്ടുള്ളത്. എന്റെ ജീവിതകാലം മുഴുവന്‍ ഞാന്‍ ഒരു അണ്ടര്‍ഡോഗ് ആയിരുന്നു. എല്ലാ പ്രതിസന്ധികളെയും തരണം ചെയ്ത് ഒരു അണ്ടര്‍ഡോഗ് വിജയം നേടുമ്പോള്‍ ലഭിക്കുന്ന സന്തോഷം വേറെയാണ്.

എന്റെ ആരാധകര്‍ കാറ്റിനെപ്പോലും പ്രതിരോധിക്കാന്‍ കഴിയുന്ന കത്തുന്ന പന്തം പോലെയാണ്. അതിനാല്‍, ഞാന്‍ നിശ്ശബ്ദമായി ജോലി തുടര്‍ന്നു കൊണ്ടേയിരിക്കും. സോഷ്യല്‍ മീഡിയയിലെ ട്രോളുകളും ഫാന്‍ വാറുകളും തന്റെ മനസിനെ ബാധിക്കാറുണ്ട്. ‘ബാധിക്കില്ലെന്ന് പറഞ്ഞാല്‍ അത് നുണയാകും, തീര്‍ച്ചയായും അത് വിഷമിപ്പിക്കാറുണ്ട്, എങ്കിലും എനിക്കറിയാവുന്ന ഒരേയൊരു കാര്യം ജോലി മാത്രമാണ്, അതിനാല്‍ ജോലിയില്‍ ശ്രദ്ധ കേന്ദ്രീകരിച്ച് ഞാന്‍ മുന്നോട്ട് പോകും. എനിക്ക് മറ്റൊന്നും അറിയില്ല. ആളുകള്‍ എപ്പോഴും അഭിപ്രായങ്ങള്‍ പറഞ്ഞുകൊണ്ടിരിക്കും, അത് ട്രെന്‍ഡ് ആണെങ്കില്‍, ഞാന്‍ അതിനോട് പൊരുത്തപ്പെടും. തന്റെ ചിത്രങ്ങളെക്കുറിച്ച് മക്കള്‍ വളരെ കടുത്ത രീതിയിലാണ് വിമര്‍ശനങ്ങള്‍ ഉന്നയിക്കാറുള്ളത്. സിനിമ നല്ലതാണെങ്കില്‍ രക്ഷപ്പെടും. മോശമാണെങ്കില്‍ അവര്‍ കടുപ്പമേറിയ വിമര്‍ശനം ഉന്നയിക്കും. അതിനാല്‍ മക്കളോട് സിനിമകളെക്കുറിച്ചുള്ള അഭിപ്രായം ചോദിക്കാന്‍ തനിക്ക് ഭയമാണ്’-ധനുഷ് പറഞ്ഞു.

Related Articles

Leave a Reply

Your email address will not be published. Required fields are marked *

Back to top button