രജനികാന്തിനെ നായകനാക്കി നെല്‍സണ്‍ ദിലീപ്കുമാര്‍ സംവിധാനം ചെയ്ത ‘ജയിലര്‍ 2’ തിയേറ്ററുകളില്‍ അതിഗംഭീര പ്രേക്ഷക പ്രതികരണവുമായി ബ്ലോക്ക്ബസ്റ്റര്‍ വിജയം നേടി മുന്നേറുന്നു. ഇന്നലെ മുതല്‍ ആഗോള തലത്തില്‍ പ്രദര്‍ശനം ആരംഭിച്ച ചിത്രം, കേരളത്തില്‍ ആദ്യ ദിനം കളിച്ചത് 1600 ഓളം ഹൗസ്ഫുള്‍ ഷോകളാണ്. ആദ്യ ദിനം കേരളത്തില്‍ 4000 ഷോകള്‍ കളിച്ച ചിത്രം, കേരളത്തില്‍ നിന്ന് ഏറ്റവും ഉയര്‍ന്ന ആദ്യ ദിന ഗ്രോസ് നേടുന്ന അന്യഭാഷാ ചിത്രമെന്ന റെക്കോര്‍ഡും സ്വന്തമാക്കി. വിജയ് ചിത്രം ലിയോ നേടിയ 12 കോടി എന്ന ആദ്യ ദിന കലക്ഷന്‍ ആണ് ജയിലര്‍ 2 മറികടന്നത്. കേരളത്തില്‍ ചിത്രത്തിന് റെക്കോര്‍ഡ് ബുക്കിംഗ് ആണ് ലഭിക്കുന്നത്. നേരത്തെ കേരളത്തില്‍ 8 കോടിയോളം രൂപയുടെ പ്രീസെയില്‍സ് നേടി ശ്രദ്ധ നേടിയ ചിത്രം, റിലീസിന് ശേഷവും ആരാധകര്‍ക്കിടയില്‍ വലിയ ആവേശം സൃഷ്ടിക്കുകയാണ്.
ബുക്ക് മൈ ഷോയില്‍ ട്രെന്‍ഡിങ്ങായും ഡിസ്ട്രിക്റ്റ് ബൈ സൊമാറ്റോയില്‍ മോസ്റ്റ് ഹൈപ്പ്ഡ് ബാഡ്‌ജോടെയും എത്തിയ ചിത്രത്തിന് രണ്ടാം ദിനവും ഹൗസ്ഫുള്‍ ഷോകളുടെ പെരുമഴയാണ് കേരളത്തില്‍ ലഭിക്കുന്നത്. സണ്‍ പിക്‌ചേഴ്‌സിന്റെ ബാനറില്‍ കലാനിധി മാരന്‍ നിര്‍മ്മിച്ച ചിത്രം കേരളത്തില്‍ ശ്രീ ഗോകുലം ഗോപാലന്റെ ശ്രീ ഗോകുലം മൂവീസാണ് വിതരണം ചെയ്തത്. ഡ്രീം ബിഗ് ഫിലിംസാണ് ചിത്രത്തിന്റെ കേരളത്തിലെ ഡിസ്ട്രിബ്യൂഷന്‍ പാര്‍ട്ണര്‍. വലിയ ആവേശമാണ് ചിത്രം കേരളത്തിലെ പ്രേക്ഷകര്‍ക്കിടയില്‍ സൃഷ്ടിച്ചിരിക്കുന്നത്. റിലീസ് ദിനത്തില്‍ കേരളത്തിലെ പല സ്‌ക്രീനുകളിലും 24 മണിക്കൂര്‍ മാരത്തണ്‍ ഷോകള്‍ ഉള്‍പ്പെടെ ഒരുക്കിയത് ചിത്രത്തോടുള്ള ആരാധകരുടെ ആവേശത്തിന്റെ ഉദാഹരണമാണ്. കേരളത്തിലെ 800 സ്‌ക്രീനുകളിലായി ഒരുക്കിയ വിപുലമായ റിലീസും ചിത്രത്തിന് വലിയ പ്രേക്ഷക പിന്തുണ ഉറപ്പാക്കുന്നു.
മലയാളത്തിന്റെ മെഗാതാരം മോഹന്‍ലാലിന്റെ സാന്നിധ്യവും കേരളത്തില്‍ ചിത്രത്തിന് ലഭിച്ച അഭൂതപൂര്‍വമായ സ്വീകരണത്തില്‍ മുഖ്യ പങ്ക് വഹിച്ചിട്ടുണ്ട്. രജനികാന്തും മോഹന്‍ലാലും ഒരുമിക്കുന്ന രംഗങ്ങള്‍ ബിഗ് സ്‌ക്രീനില്‍ കാണാനുള്ള ആകാംക്ഷയാണ് പ്രേക്ഷകരെ തിയേറ്ററുകളിലേക്ക് ആകര്‍ഷിക്കുന്ന പ്രധാന കാരണങ്ങളിലൊന്ന്. ബ്ലോക്ക്ബസ്റ്റര്‍ വിജയമായ ‘ജയിലറി’ന് ശേഷം മുത്തുവേല്‍ പാണ്ഡ്യനായി രജനികാന്ത് വീണ്ടും എത്തുന്ന ചിത്രത്തില്‍ ശിവ രാജ്കുമാറും, ബോളിവുഡ് താരം ഹൃതിക് റോഷനും അതിഥി വേഷത്തിലെത്തുന്നു. സുരാജ് വെഞ്ഞാറമൂട്, എസ്.ജെ. സൂര്യ, വിദ്യ ബാലന്‍, മിഥുന്‍ ചക്രവര്‍ത്തി, യോഗി ബാബു, ഹക്കീം ഷാജഹാന്‍, ജാക്കി ഷെറോഫ്, നമോ നാരായണന്‍, കോട്ടയം നസീര്‍, തുടങ്ങിയവരും ചിത്രത്തിന്റെ താരനിരയിലുണ്ട്. നെല്‍സണ്‍ ദിലീപ്കുമാറിന്റെ മാസ് അവതരണവും ആക്ഷന്‍ രംഗങ്ങളും ബ്ലാക്ക് ഹ്യൂമറും അനിരുദ്ധ് രവിചന്ദറിന്റെ സംഗീതവും പശ്ചാത്തല സംഗീതവും ചിത്രത്തിന്റെ പ്രധാന ആകര്‍ഷണങ്ങളാണ്.
ചിത്രത്തിന് കേരളത്തില്‍ ലഭിക്കുന്ന വന്‍ തിരക്കും മികച്ച പ്രേക്ഷക പ്രതികരണവും ചിത്രത്തിന്റെ വമ്പന്‍ ബോക്‌സ് ഓഫീസ് മുന്നേറ്റത്തിന് അടിത്തറ പാകുകയാണ്. മാരത്തണ്‍ ഷോകളും അധിക പ്രദര്‍ശനങ്ങളും വലിയ ബുക്കിംഗ് ആവേശവും ചിത്രത്തെ ചുറ്റിപ്പറ്റിയുള്ള ആഘോഷത്തിന് കൂടുതല്‍ ഊര്‍ജം പകരുന്നുണ്ട്. ചിത്രത്തിന്റെ കേരളത്തിലെ തിയേറ്ററുകളിലെ പ്രതികരണത്തിനൊപ്പം തമിഴ്‌നാട്ടിലെയും ആഗോളതലത്തിലെ ബോക്‌സ് ഓഫീസ് പ്രകടനവും ആവേശകരമാണ്. രചന, സംവിധാനം: നെല്‍സണ്‍ ദിലീപ്കുമാര്‍, നിര്‍മ്മാതാവ്: കലാനിധി മാരന്‍, ബാനര്‍: സണ്‍ പിക്‌ചേഴ്‌സ്, ഛായാഗ്രഹണം: വിജയ് കാര്‍ത്തിക് കണ്ണന്‍, എഡിറ്റിംഗ്: ആര്‍. നിര്‍മ്മല്‍, സംഗീതം: അനിരുദ്ധ് രവിചന്ദര്‍, പ്രൊഡക്ഷന്‍ ഡിസൈനര്‍: ഡോ. കെ. കിരണ്‍, ആക്ഷന്‍: ചേതന്‍ ഡി’സൂസ, കോസ്റ്റ്യൂം ഡിസൈനര്‍മാര്‍: പല്ലവി സിംഗ്, മുതുല്‍ ഹഫീസ്, സൗണ്ട് മിക്‌സ്: സുരേന്‍ ജി., സൗണ്ട് ഡിസൈന്‍: സുരേന്‍ ജി., എസ്. അളഗിയകൂത്തന്‍, കളറിസ്റ്റ്: ആന്‍ഡ്രിയാസ് ബ്രൂക്കല്‍, ഡി.ഐ. ലാബ്: അന്നപൂര്‍ണ സ്റ്റുഡിയോസ്, വി.എഫ്.എക്‌സ്. പ്രൊഡ്യൂസര്‍: സന്തോഷ് രാജു, മേക്കപ്പ്: പട്ടണം റഷീദ്, സി. ഹരിനാഥ്, സ്റ്റില്‍സ്: വി. സിത്തിരസു, പബ്ലിസിറ്റി ഡിസൈന്‍: കബിലന്‍ ചെല്ലയ്യ, പ്രൊഡക്ഷന്‍ കണ്‍ട്രോളര്‍മാര്‍: ഡി. രമേഷ് കുച്ചിരായര്‍, ആര്‍. എസ്. സുരേഷ് മണിയന്‍, എക്‌സിക്യൂട്ടീവ് പ്രൊഡ്യൂസര്‍: സുനില്‍ റെഡ്ഡി, പി.ആര്‍.ഒ: ശബരി.
