സിജെപി സമരത്തില് പിന്തുണ അറിയിച്ച് നിരവധി പ്രമുഖരാണ് സമരമുഖത്തെത്തിയും സോഷ്യല് മീഡിയയിലൂടെയും ഐക്യദാര്ഢ്യം അറിയിച്ചത്. കേരളത്തില് നിന്ന് രഞ്ജിനി ഹരിദാസ് ജന്തര് മന്ദിറിലെത്തി സമരത്തിന്റെ ഭാഗമായിരുന്നു. എന്നാല് പ്രക്ഷോഭവുമായി ബന്ധപ്പെട്ട പ്രതികരണത്തിന് പിന്നാലെ അവതാരക പേളി മാണിക്കെതിരെ വലിയ പ്രതിഷേധം ഉയര്ന്നിരുന്നു.ഇന്സ്റ്റഗ്രാമില് മാത്രം നാല് ലക്ഷത്തിലധികം ഫോളോവേഴ്സിനെയാണ് പേളിക്ക് നഷ്ടമായത്. പോസ്റ്റ് ഇടുമ്പോള് ഇടുമ്പോള് 5.7 മില്ല്യണ് ഫോളോവേഴ്സില് നിന്ന് 5.3 മില്ല്യണിലേക്കാണ് കൂപ്പുകുത്തിയത് ഇന്സ്റ്റഗ്രാമിന് പുറമെ യൂട്യൂബ്, ഫെയ്സ്ബുക്ക് പ്ലാറ്റ്ഫോമുകളിലും ഫോളോവേഴ്സിന്റെ എണ്ണത്തില് വന് ഇടിവാണ് സംഭവിച്ചിരിക്കുന്നത്. നിലപാടില് വലിയ പ്രതിഷേധം ഉയര്ന്നതോടെ പേളി ഇന്സ്റ്റഗ്രാം അക്കൗണ്ടിലെ കമന്റ് ബോക്സ് പൂട്ടി.
‘ആര്ക്കും പരിക്കേല്ക്കരുത്, എല്ലാവരും സുരക്ഷിതരായിരിക്കണം. ജീവന് അപകടത്തിലാകുന്ന സാഹചര്യമുണ്ടെങ്കില് വീട്ടിലേക്ക് മടങ്ങുക. സ്വന്തം ജീവന് നഷ്ടപ്പെടുത്താന് മാത്രം പ്രാധാന്യമുള്ള ഒരു ലക്ഷ്യവുമില്ല’, എന്നാണ് പേര്ളി കുറിച്ചത്. ‘കമന്റ് സെക്ഷന് ആവിഷ്കാര സ്വാതന്ത്ര്യത്തിന്റെ പ്രതിഫലനമാണ്’ എന്ന വരിയോടെ പങ്കുവെച്ച പോസ്റ്റിന്റെ കമന്റ് ബോക്സ് തൊട്ടുപിന്നാലെ തന്നെ ഓഫാക്കി.പേര്ളിയുടെ നിലപാടിനെ വിമര്ശിച്ച് സംവിധായകന് സിബി മലയിലിന്റെ മകനും നടനും സിനിമാ പ്രവര്ത്തകനുമായ ജോ സിബി മലയില് രംഗത്തെത്തിയിരുന്നു. സമാന്തരമായി പേര്ളിയുടെ നിലപാടിനെതിരെ കടുത്ത വിമര്ശനവും ഉയര്ന്നു.
പ്രതിഷേധം ശക്തമായതോടെ ഒരു ‘പരാജയപ്പെട്ട സിനിമാ സംവിധായകനെ’ പരാമര്ശിച്ചുകൊണ്ട് പേളി ഇന്സ്റ്റഗ്രാം സ്റ്റോറി പങ്കുവെച്ചത് കൂടുതല് വിവാദങ്ങള്ക്കിടയാക്കി. തന്റെ നിലപാട് പലരെയും അസ്വസ്ഥരാക്കിയെന്നും ഒരു പരാജയപ്പെട്ട സംവിധായകന് തന്റെ നാലു പേജ് പോസ്റ്റിനെക്കുറിച്ച് 10 പേജുള്ള തിരക്കഥ എഴുതുകയാണെന്ന് പേളി സ്റ്റോറിയില് കുറിച്ചത്. പേര്ളിയുടെ ഇന്സ്റ്റഗ്രാം സ്റ്റോറിക്ക് മറുപടിയുമായി തൊട്ടുപിന്നാലെ ജോ മലയില് രംഗത്തെത്തി. പേളി സൂചിപ്പിച്ച ‘പരാജയപ്പെട്ട സംവിധായകന്’ തന്റെ പിതാവാണെന്ന് ജോ പ്രതികരിച്ചു.
