ചരിത്ര നേട്ടം തുടർന്ന് കല്യാണി പ്രിയദര്ശന് ചിത്രം ലോക ചാപ്റ്റര് 1 ചന്ദ്ര. ഇന്നലെ വരെ കേരളത്തിലെ തിയറ്ററിൽ നിന്നും കലക്ട് ചെയ്തത് 118.94 കോടിയാണ്. ഡൊമിനിക് അരുണ് സംവിധാനം ചെയ്ത് വേഫെയറര് ഫിലിംസിന്റെ കീഴില് ദുല്ഖര് സല്മാന് നിര്മ്മിച്ച മലയാള ഫാന്റസി ചിത്രമായ ലോക ചാപ്റ്റര് 1 :ചന്ദ്ര’ കേരള ബോക്സ് ഓഫീസില് മികച്ച പ്രകടനവുമായി പ്രദര്ശനം തുടരുകയാണ്. 2025 ഓഗസ്റ്റ് 28 നായിരുന്നു ലോക ചാപ്റ്റര് 1 : ചന്ദ്ര റിലീസ് ചെയ്തത്.
മോഹന്ലാലിന്റെ ‘തുടരും’ എന്ന ചിത്രത്തെ മറികടന്ന് കേരളത്തില് ഏറ്റവും കൂടുതല് കളക്ഷന് നേടിയ മലയാള ചിത്രമായി മാറിയിരിക്കുകയാണ് ലോക. കേരളത്തില് 39 ദിവസത്തിനുള്ളില് ഏകദേശം 118.94 കോടിയാണ് ലോക നേടിയത്. തിയറ്ററിൽ തുടരുന്ന ലോക ചരിത്രവിജയം നേടുമെന്നാണ് കണക്കുകൂട്ടലുകള്. ഒക്ടോബര് 5 ന് മാത്രം ചിത്രത്തിന്റെ കളക്ഷന് റെക്കോർഡ് ഏകദേശം 84 ലക്ഷം ആയിരുന്നു. മോഹന്ലാല് നായകനായ തരുണ്മൂര്ത്തി സംവിധാനം ചെയ്ത ‘തുടരും’ കേരളത്തില് നിന്നും നേടിയത് 118.9 കോടിയായിരുന്നു. മോഹന് ലാലിനെ നായകനാക്കി സത്യന് അന്തി്ക്കാട് സംവിധാനം ചെയ്ത ഹൃദയപൂര്വം നേടിയ കേരളത്തില് നിന്നും നേടിയത് 42. 14 കോടിയായിരുന്നു.
