Malayalam

ക്യാമ്പസ് സൗഹൃദവും പ്രണയവും ആഘോഷമാക്കി ‘മെറി ബോയ്സ്’; ട്രെയിലർ പുറത്തിറങ്ങി

യുവത്വത്തിന്റെ സൗഹൃദവും പ്രണയവും ജീവിതക്കാഴ്ചകളും കോർത്തിണക്കി ലിസ്റ്റിൻ സ്റ്റീഫന്റെ നിർമ്മാണത്തിൽ ഒരുങ്ങുന്ന ‘മെറി ബോയ്സ്’ എന്ന ചിത്രത്തിന്റെ ട്രെയിലർ പുറത്തിറങ്ങി. എറണാകുളം സെന്റ് തെരേസാസ് കോളേജിൽ നടന്ന വർണാഭമായ ചടങ്ങിലാണ് ചിത്രത്തിന്റെ ട്രെയിലർ ലോഞ്ച് ചെയ്തത്. മാജിക് ഫ്രെയിംസിന്റെ ബാനറിൽ ഒരുങ്ങുന്ന ചിത്രം സംവിധാനം ചെയ്യുന്നത് മഹേഷ് മാനസാണ്. ക്യാമ്പസ് ജീവിതത്തിന്റെ ഊർജവും സൗഹൃദങ്ങളുടെ ആഴവും പ്രണയത്തിന്റെ മനോഹരമായ നിമിഷങ്ങളും പുതിയ തലമുറയുടെ ജീവിതസാഹചര്യങ്ങളുമാണ് ചിത്രത്തിന്റെ പ്രധാന പ്രമേയമെന്നാണ് ട്രെയിലർ നൽകുന്ന സൂചന.

യുവാക്കൾക്ക് ഏറെ പരിചിതമായ ജീവിതസാഹചര്യങ്ങളിലൂടെയും കഥാപാത്രങ്ങളിലൂടെയും സഞ്ചരിക്കുന്ന ചിത്രം സമകാലിക യുവത്വത്തിന്റെ കാഴ്ചപ്പാടുകളും വ്യക്തിബന്ധങ്ങളിലെ സങ്കീർണതകളും രസകരമായി അവതരിപ്പിക്കുമെന്ന പ്രതീക്ഷയാണ് ട്രെയിലർ നൽകുന്നത്. ചിത്രത്തിലെ പ്രധാന കഥാപാത്രമായ മെറിയെ അവതരിപ്പിക്കുന്നത് ഐശ്വര്യ രാജാണ്. വിശാഖ് നായർ, റോഷൻ അബ്ദുൽ റഹൂഫ്, സാഫ്‌ബോയ്, ഷോൺ ജോയ്, പാർവതി അയ്യപ്പദാസ്, ശ്വേത വാരിയർ, കീർത്തന, ബിന്ദു പണിക്കർ, മൂർ, അഖിൽ കലവൂർ, ശ്രീജിത്ത് രവി, ജെയിംസ് ഏലിയ, ആൻ ജമീല സലിം, അശ്വത്ത്, ഫ്രാങ്കോ ഫ്രാൻസിസ് തുടങ്ങിയവരും ചിത്രത്തിൽ പ്രധാന വേഷങ്ങളിലെത്തുന്നു.

ട്രെയിലർ ലോഞ്ച് ചടങ്ങ് സംഗീതവും നൃത്തവും ആഘോഷവുമൊക്കെയായി വിദ്യാർത്ഥികൾക്ക് വേറിട്ട അനുഭവമായി. നിർമ്മാതാവ് ലിസ്റ്റിൻ സ്റ്റീഫൻ, സംവിധായകൻ മഹേഷ് മാനസ്, ഗായിക ഗൗരി ലക്ഷ്മി, ചിത്രത്തിലെ താരങ്ങളായ ഐശ്വര്യ രാജ്, പാർവതി അയ്യപ്പദാസ്, ശ്വേത വാരിയർ, കീർത്തന, സാഫ്‌ബോയ്, റോഷൻ, ഷോൺ തുടങ്ങിയവർ ചടങ്ങിൽ പങ്കെടുത്തു. ഗൗരി ലക്ഷ്മിയുടെ സംഗീതാവതരണവും താരങ്ങളുടെ ആവേശകരമായ നൃത്തവും വിദ്യാർത്ഥികളുമായുള്ള സംവാദവും പരിപാടിക്ക് കൂടുതൽ നിറം പകർന്നു.
പുതിയ തലമുറയുടെ സൗഹൃദങ്ങളിലേക്കും പ്രണയത്തിലേക്കും വ്യക്തിബന്ധങ്ങളിലേക്കും സഞ്ചരിക്കുന്ന ഒരു യൂത്ത് എന്റർടെയ്‌നറായിരിക്കും ‘മെറി ബോയ്സ്’ എന്നാണ് പ്രതീക്ഷ. യുവപ്രേക്ഷകരുടെ ജീവിതത്തോട് ചേർന്നുനിൽക്കുന്ന കഥാപാത്രങ്ങളും സാഹചര്യങ്ങളും ചിത്രത്തിന്റെ പ്രധാന ആകർഷണമാകുമെന്നാണ് സൂചന. ജസ്റ്റിൻ സ്റ്റീഫനാണ് ചിത്രത്തിന്റെ കോ-പ്രൊഡ്യൂസർ. സാം സി. എസ്., ഡോൺ വിൻസെന്റ് എന്നിവർ സംഗീതമൊരുക്കുന്നു. പശ്ചാത്തല സംഗീതം ഡോൺ വിൻസെന്റ്. ഫയിസ് സിദ്ദിഖ് ഛായാഗ്രഹണവും ആകാശ് ജോസഫ് വർഗീസ് എഡിറ്റിങ്ങും നിർവഹിക്കുന്നു.

സൗണ്ട് ഡിസൈൻ: സച്ചിൻ. കോസ്റ്റ്യൂം: മെൽവി ജെ. മേക്കപ്പ്: റോണക്സ് സേവ്യർ. ആർട്ട്: രാഖിൽ. എക്സിക്യൂട്ടീവ് പ്രൊഡ്യൂസേഴ്സ്: സന്തോഷ് കൃഷ്ണൻ, നവീൻ പി. തോമസ്. ലൈൻ പ്രൊഡ്യൂസർ: അഖിൽ യശോധരൻ. അഡ്മിനിസ്ട്രേഷൻ ആൻഡ് ഡിസ്ട്രിബ്യൂഷൻ ഹെഡ്: ബബിൻ ബാബു. പ്രൊഡക്ഷൻ കൺട്രോളർ: ഗിരീഷ് കൊടുങ്ങല്ലൂർ. ഫൈനൽ മിക്സ്: ഫൈസൽ ബക്കർ. ചീഫ് അസോസിയേറ്റ് ഡയറക്ടർ: ബിച്ചു. കാസ്റ്റിംഗ് ഡയറക്ടർ: രാജേഷ് നാരായണൻ. പി.ആർ. ഓ മഞ്ജു ഗോപിനാഥ്. സ്റ്റിൽസ് ബിജിത്ത് ധർമ്മടം. മാർക്കറ്റിംഗ്സൗത്ത് ഫ്രെയിംസ് എന്റർടൈൻമെന്റസ്. അഡ്വർടൈസിംഗ് ബ്രിങ് ഫോർത്ത്. ഡിസൈൻസ് യെല്ലോ ടൂത്ത്സ്.ടൈറ്റിൽ ഡിസൈൻസ്വിനയ തേജസ്വി. മാജിക് ഫ്രെയിംസ് റിലീസാണ് ചിത്രം വിതരണം ചെയ്യുന്നത്. ചിത്രം ഡിസംബറിൽ തിയേറ്ററുകളിലെത്തും.

Related Articles

Leave a Reply

Your email address will not be published. Required fields are marked *

Back to top button