Celebrity

‘രണ്ടെണ്ണം അടിക്കാത്ത അച്ചായനോ? നീ പറയുന്ന പോലെ ഒരാളെയും കിട്ടില്ലെന്ന് വീട്ടുകാർ വരെ പറഞ്ഞു’; അഞ്ജു കുര്യൻ

തന്റെ ഭർത്താവിനെക്കുറിച്ചുണ്ടായിരുന്ന സങ്കല്പത്തെക്കുറിച്ചും വിവാഹശേഷമുള്ള വിശേഷങ്ങൾ പങ്കുവെച്ചും നടി അഞ്ജു കുര്യൻ. മാട്രിമോണിയിലൂടെയായിരുന്നു അഞ്ജുവും റോഷനും പരിചയപ്പെട്ടതെന്നും മദ്യപാനം, പുകവലി തുടങ്ങിയ പരിപാടികളൊന്നും തന്റെ ജീവിത പങ്കാളിക്ക് ഉണ്ടാകരുതെന്ന് നിർബന്ധം ഉണ്ടായിരുന്നുവെന്നും അഞ്ജു കൂട്ടിച്ചേർത്തു. പ്ലാന്റർ ആയ റോഷനാണ് അഞ്ജുവിന്റെ ജീവിത പങ്കാളി. വനിതയുടെ യൂട്യൂബ് ചാനലിന് നൽകിയ അഭിമുഖത്തിലാണ് അഞ്ജു കുര്യൻ ഇക്കാര്യങ്ങൾ പറഞ്ഞത്.

‘മാട്രിമോണിയിലൂടെ വിവാഹാലോചന വരുന്നത്. ഞങ്ങൾ ശരിക്കും ഒരു മൂന്ന് മാസം സമയമെടുത്തു. സംസാരിച്ച് നോക്കിയിട്ട് കാണാം എന്ന നിലപാടിലായിരുന്നു ഞങ്ങൾ. പുതിയതായിട്ട് ഒരാളോട് സംസാരിക്കുകയാണ്. എങ്ങനെയാണ്, എന്താണ് എന്നൊന്നും രണ്ട് പേർക്കും അറിയത്തില്ല. സംസാരിച്ച് നോക്കിയിട്ട് ഓക്കെയാണെങ്കിൽ മൂന്ന് മാസത്തിനുള്ളിൽ ഇത് മുന്നോട്ട് കൊണ്ടുപോകണമോ വേണ്ടയോ എന്ന് ഞാൻ പറയാം എന്ന് എന്റെ വീട്ടിൽ ഞാൻ പറഞ്ഞു. റോഷൻ അത് അദ്ദേഹത്തിന്റെ വീട്ടുകാരോടും പറഞ്ഞു. മൂന്ന് മാസം കഴിഞ്ഞപ്പോൾ യെസ് തന്നെയായിരുന്നു. അങ്ങനെ മൂന്ന് മാസം കഴിഞ്ഞപ്പോൾ ഞങ്ങളുടെ ഉറപ്പിക്കൽ കഴി‍ഞ്ഞു. കറക്ട് ഒരു വർഷം ആയപ്പോൾ എൻ​ഗേജ്മെന്റ് നടത്തി’, അഞ്ജു പറഞ്ഞു.

‘ഞാനിത് പറയുമ്പോൾ, ഞാനിത്രയും പഴഞ്ചൻ ആണോ എന്നൊക്കെ ആൾക്കാർ ചിലപ്പോൾ ചിന്തിക്കുമായിരിക്കും. ഒന്ന് എനിക്ക് ഹെൽത്തി ലൈഫ് സ്റ്റൈൽ ഭയങ്കര ഇഷ്ടമാണ്. ഞാൻ അങ്ങനെ ഫോളോ ചെയ്യുന്ന ഒരാളാണ്. മദ്യപാനം, പുകവലി തുടങ്ങിയ പരിപാടികളൊന്നും പാടില്ല എന്നുണ്ടായിരുന്നു. ഇങ്ങനെയുള്ള ഒരുത്തനെ ഞാൻ എവിടുന്ന് കൊണ്ടുവരാനാ നീ പറയുന്നത്, നീ വേറെന്തെങ്കിലുമൊക്കെ പറയുകയാണെങ്കിൽ ഓക്കെ എന്ന് എന്റെ അപ്പൻ തന്നെ എന്നോട് പറയും. ‘രണ്ടെണ്ണം അടിക്കാത്ത അച്ചായനോ ? എന്റെ സർക്കിളിൽ പോലും അങ്ങനെ ഒരാളില്ലല്ലോ എന്നൊക്കെ അപ്പൻ പറയും. ഞാൻ അങ്ങനെയാണ്. അതുകൊണ്ട് എനിക്ക് രണ്ടെണ്ണം അടിക്കാത്ത ഒരാളെ തന്നെ മതി എന്നൊരു നിലപാടിലായിരുന്നു’.

‘നീ പറയുന്ന ഒരാളെപ്പോലും അങ്ങനെ കിട്ടത്തില്ല. വെള്ളമടി പാടില്ല, ഹെൽത്തി ആയിരിക്കണം ഇത് എന്തോരം ടാസ്ക്കുകളാ’. ഇങ്ങനെയൊക്കെയാണ് വീട്ടുകാർ പറഞ്ഞത്. എന്റെ വീട്ടുകാരൊക്കെ കയ്യൊഴിഞ്ഞു. എന്റെ സുഹൃത്തുക്കളുടെ സർക്കിളിൽ ആണെങ്കിലും ഞാൻ ഈ പറഞ്ഞ ​ഗുണങ്ങളുള്ള ആളെ കിട്ടാൻ കുറച്ചു പാടായിരുന്നു. പക്ഷേ അവസാനം അത് സംഭവിച്ചു’, അഞ്ജു കുര്യൻ പറഞ്ഞു.

Related Articles

Leave a Reply

Your email address will not be published. Required fields are marked *

Back to top button