ജയറാമിനെതിരെ തുറന്നടിച്ച് നടി ഉഷ ഹസീന. കൂടയുണ്ടാകുമെന്ന് ഉറപ്പു നല്കിയതിനെ തുടര്ന്ന് ജയറാമിന്റെ മകന്റെ സിനിമ തന്റെ സഹോദരന് പ്രൊഡൂസ് ചെയ്തെന്നും സിനിമ പരാജയപ്പെട്ടപ്പോള് തിരിഞ്ഞു നോക്കിയില്ലെന്നും ഉഷ ഹസീന വ്യക്തമാക്കുന്നു. റിപ്പോര്ട്ടര് ഫിലിംസിന് നല്കിയ അഭിമുഖത്തിലാണ് ഉഷ ഹസീനയുടെ തുറന്നു പറച്ചില്.’ജയറാമിന് ആടുപുലിയാട്ടം എന്ന സിനിമയിലൂടെ മലയാളത്തിലേക്ക് റീ-എന്ട്രി കൊടുത്ത ആളാണ് എന്റെ ബ്രദറും പ്രൊഡ്യൂസറുമായ ഹസീബ്. സിനിമ സൂപ്പര്ഹിറ്റായിരുന്നു. ഹസീബുമായിട്ട് നല്ല ബന്ധമായിരുന്നു ജയറാം. ജയറാം എപ്പോഴും വീട്ടില് വരും, നിരന്തരം ഫോണ് ചെയ്യും, അവര് ഭയങ്കര കമ്പനിയായിരുന്നു.
ജയറാമിന്റെ സ്വഭാവമൊക്കെ നമുക്ക് അറിയാം. അതിവിനയവും, കാര്യം കാണാന് വേണ്ടിയിട്ടുള്ള ആളാണെന്നൊക്കെ നമുക്ക് അറിയാം, ജയറാമൊരു ഫേക്ക് ആയിട്ടുള്ള ആളാണ്. ആ കാണിക്കുന്ന വിനയമൊന്നും ശരിയല്ല, ഹസീബേ ജയറാമിനെ വിശ്വസിക്കരുതെന്ന് ഹസീബിനോടും ഹസീബിന്റെ ഭാര്യയോടും ഞാന് പലതവണ പറഞ്ഞിട്ടുള്ളതാ. പക്ഷെ അവന് അന്തമായി ജയറാമിനെ വിശ്വസിച്ചു. കാളിദാസന്റെ സിനിമ വേറാരോ ചെയ്യാനിരുന്നതാണ്. സിനിമ തുടങ്ങുന്നതിന് മുന്പ് അവര് ഇട്ടിട്ടു പോയതാ. അത് ഹസീബിന്റെ തലയില് വച്ചു കൊടുത്തു, തട്ട് കേട് വന്നാല് ഞാനുണ്ട്, അതിന്റെ പരിഹാരം ഞാനുണ്ടാക്കി തരുമെന്ന് പറഞ്ഞ് വാക്കു കൊടുത്തിട്ടാണ് ഹസീബ് ആ പ്രൊജക്ടിന് വേണ്ടിയിട്ട് ഇറങ്ങിയത്. എന്റെ ഭര്ത്താവും എന്റെ ഇളയ സഹോദരനും പറഞ്ഞതാ, ഹസീബേ പോയ പൈസ പോയി, ഇതുമായി മുന്പോട്ടു പോകരുത് അത് വിട്ടേക്കിന്ന്. പക്ഷെ ജയറാമേട്ടന് എന്റെ കൂടെ നില്ക്കും എനിക്ക് ജയറാമേട്ടന് ധൈര്യം തന്നിട്ടുണ്ടെന്ന് പറഞ്ഞാണ് ആ പടം പൂര്ത്തിയാക്കി വലിയ ബഡ്ജറ്റില് ചെയ്ത സിനിമ പരാജയപ്പെട്ടു പോയി.
ഹസീബിന് സാമ്പത്തിക ബാധ്യതകള് വന്നു. അവന് മാനസികമായി തകര്ന്നു, പിന്നീട് അവന് സ്ട്രോക്ക് വന്നു. സ്ട്രോക്ക് വന്നിട്ട് മരണത്തില് നിന്നാണ് രക്ഷപ്പെട്ട് വന്നത്. കീ ഹോള് സര്ജറി ഒക്കെ ചെയ്യേണ്ടി വന്നു. അതെല്ലാം മലയാള സിനിമയിലെ എല്ലാവര്ക്കും അറിയാം. പക്ഷെ ജയറാം മാത്രം അറിഞ്ഞിട്ടില്ല. ബാക്കിയുള്ള സകല ആള്ക്കാരും അറിഞ്ഞിട്ടുണ്ട്. നിരന്തരം ജയറാം വിളിച്ചോണ്ടിരിക്കുന്ന ആളാ. ഈ സിനിമ പരാജയപ്പെട്ടിട്ട് പോലും എന്തായെന്ന് ചോദിച്ചിട്ടില്ല. പിന്നീട് മൂന്നു വര്ഷങ്ങള്ക്കു ശേഷം മകളുടെ കല്ല്യാണത്തിനാണ് ജയറാം വിളിക്കുന്നത്. അന്ന് വിളിച്ചപ്പോള് അയ്യോ എന്തു പറ്റി എന്ന് ചോദിച്ചു പിന്നീട് വാട്സ്ആപ്പ് മെസേജ് അയച്ചു. ഞാനുണ്ട് എന്റെ വാക്കു കേട്ടിട്ടാണെന്ന് ഞാനെപ്പോഴും കണ്ണനോട് പറയും, ഞാന് 10 ദിവസത്തിനകം വീട്ടിലേക്ക് വരുമെന്ന് പറഞ്ഞു, ഇന്ന് വരെ വന്നിട്ടില്ല’-ഉഷ ഹസീന പറഞ്ഞു.
