ടിനു പാപ്പച്ചന്‍ ചിത്രം ‘കൊല്ലം കോട്ട കമ്പനി’യിലെ ഏറ്റവും പുതിയ വീഡിയോ ഗാനം പുറത്തിറങ്ങി. ‘കമ്പനി..’ എന്ന ഈ പാട്ടിന് ഈണം പകര്‍ന്നിരിക്കുന്നത് ജസ്റ്റിന്‍ വര്‍ഗീസാണ്. ഒരു റെട്രോ വിന്റേജ് ബോളിവുഡ് ബാര്‍ സോങ്ങിനെ അനുസ്മരിപ്പിക്കുന്ന രീതിയിലാണ്. ‘മുന്നി ബദ്‌നാമ് ഹുയി’ ‘ഫെവികോള്‍ സേ’ എന്നീ ഓള്‍ ടൈം ഹിറ്റ് പാട്ടുകള്‍ പാടിയ ബോളിവുഡ് ഗായിക മമത ശര്‍മ്മയുടെ മലയാള സിനിമയിലേക്കുള്ള അരങ്ങേറ്റം കൂടിയാണീ ഗാനം. മമതയെ കൂടാതെ ധുരന്ധര്‍ എന്ന പാന്‍ ഇന്ത്യന്‍ ബ്ലോക്ക്ബസ്റ്റര്‍ സിനിമയിലെ ടൈറ്റില്‍ ട്രാക്ക് പാടിയ സുധീര്‍ യദുവംശിയും ഈ ഗാനത്തിലൂടെ മലയാള സിനിമയിലേക്ക് ചുവടെടുത്ത് വയ്ക്കുകയാണ്. പാട്ടിലെ ഹിന്ദി പോര്‍ഷനോടൊപ്പം വരുന്ന തമിഴ് ഫ്രീ സ്‌റ്റൈല്‍ റാപ്പര്‍ ‘വെങ്കായോ’യുടെ തമിഴ് റാപ്പ് പോര്‍ഷനും പാട്ടിന്റെ പ്രധാന ഹൈലൈറ്റാണ്. മൂവരുടെയും ശബ്ദസാന്നിധ്യം ഈ ട്രാക്കിന് ആഘോഷമാക്കാനുള്ള ഒരു പെപ്പി വൈബ് സമ്മാനിക്കുന്നുണ്ട്.
യുവതി യുവാക്കളുടെ ഒരു കൂട്ടത്തിന്റെ രാവാഘോഷം എന്ന രീതിയില്‍ വളരെ കളര്‍ഫുള്ളായാണ് പാട്ട് ചിത്രീകരിച്ചിരിക്കുന്നത്. മുമ്പ് ടിനു പാപ്പച്ചന്‍ സംവിധാനം ചെയ്ത അജഗജാന്തരത്തിലെ ‘ഒള്ളുള്ളേരു’ എന്ന നാടന്‍ പാട്ടിന്റെ സ്വഭാവമുള്ള ബീറ്റ് സോങ് വലിയ രീതിയല്‍ ട്രെന്റിങ് ആവുകയും കേള്‍വിക്കാരെ ഹരം കൊള്ളിക്കുകയും ചെയ്തിരുന്നു. അതേ പാട്ടിന്റെ ടീം വീണ്ടും ഒന്നിക്കുമ്പോള്‍ ഒരു ഇന്‍സ്റ്റന്റ് വൈറല്‍ സോങ്ങ് ആയി മാറുകയാണ് ‘കമ്പനി..’ എന്ന ഈ ട്രാക്കും.
കൊല്ലം കേന്ദ്രീകരിച്ചുള്ള കഥ നടക്കുന്ന ചിത്രത്തില്‍ പ്രധാന കഥാപാത്രങ്ങളെ പുതുമുഖങ്ങളാണ് അവതരിപ്പിക്കുന്നത്. അരുണ്‍ നാരായണ്‍, അഞ്ജന ഫിലിപ്പ്, ബിനു എസ്.ഡി, ടിനു പാപ്പച്ചന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. അച്ചു ബേബി ജോണ്‍ സഹനിര്‍മ്മാതാവായി ചിത്രത്തിലുണ്ട്. ടിനു പാപ്പച്ചന്‍ സിനിമകളുടെ നട്ടെല്ലായ ശക്തമായ സാങ്കേതിക പ്രവര്‍ത്തകരുടെ നിര തന്നെയാണ് ഈ ചിത്രത്തിനുമുള്ളത്. ആര്‍. അരവിന്ദന്‍, സുജിത്ത് സുന്ദരന്‍ എന്നിവര്‍ ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്.
എഡിറ്റിംഗ്: ദീപു ജോസഫ്, ഛായാഗ്രഹണം: റാഹില്‍, കലാസംവിധാനം: അജയ് മങ്ങാട്, ശബ്ദമിശ്രണം: രംഗനാഥ് രവി, ആക്ഷന്‍ കൊറിയോഗ്രാഫി: കലൈ കിങ്സണ്‍, വസ്ത്രാലങ്കാരം: ആഷിഷ് നമ്പ്യാര്‍, മെയ്ക്ക്പ്പ്: റോണക്‌സ് സേവ്യര്‍, ഗാന രചന: വിനായക് ശശികുമാര്‍, സൗണ്ട് മിക്‌സിംങ്: കണ്ണന്‍ ഗണപത്, കളറിസ്റ്റ്: ശ്രിക്ക് വാരിയര്‍, പ്രൊഡക്ഷന്‍ കണ്‍ട്രോളര്‍: പ്രധ്വി എന്‍. രാജന്‍, ചീഫ് അസോസിയേറ്റ് ഡയറക്ടര്‍: ഉമേഷ് രാധാകൃഷ്ണന്‍, ലൈന്‍ പ്രൊഡ്യൂസേഴ്‌സ്: ഫെബി സ്റ്റാലിന്‍, വിവേക് കെ ജി, അസോസിയേറ്റ് ഡയറക്ടര്‍: വിഷ്ണു വിജയന്‍, സ്റ്റില്‍സ്: ഷൈന്‍ സാബൂറ, വിഷ്വല്‍ എഫക്ട്‌സ്: CDIME & വിശ്വാ എഫ്എക്‌സ്, ഡിഐ: കളര്‍പ്ലാനറ്റ് സ്റ്റുഡിയോ, ഡിസൈന്‍സ്: യെല്ലോ ടൂത്ത്‌സ്, പി ആര്‍ ഓ: ഹെയിന്‍സ്, റോജിന്‍, വിഷ്വല്‍ പ്രോമോഷന്‍സ്: സ്നേക്ക്പ്ലാന്റ് എല്‍.എല്‍.പി.
