നാന പടേക്കറിന്റെ ഓര്‍മകളില്‍ ഷാരൂഖ് ഖാന്‍. ആദ്യമായി നാന പടേക്കറെ കണ്ട ഓര്‍മകളാണ് സോഷ്യല്‍ മീഡിയയിലൂടെ ഷാരൂഖാന്‍ പങ്കുവച്ചിരിക്കുന്നത്. ഷാരൂഖാന്റെ വാക്കുകളിലേക്ക്’ആദ്യമായി അദ്ദേഹത്തെ കണ്ടപ്പോള്‍, അമ്പരപ്പും പരുങ്ങലും കാരണം ഞാന്‍ മുടിയിലൂടെ കൈയ്യോടിച്ചു. അദ്ദേഹം എന്റെ കൈ തട്ടി മാറ്റി ‘ഹീറോയെ പോലെ മുടി ആക്കരുത്, നീ നടനാണ്’ എന്നു പറഞ്ഞു. അദ്ദേഹം നമ്മളെ സുഖിപ്പിക്കില്ല. നമ്മള്‍ കേള്‍ക്കാന്‍ ആഗ്രഹിക്കുന്നതാകില്ല പറയുക. നമ്മള്‍ കേള്‍ക്കണ്ടത് എന്താണോ അതാകും പറയുക. അതായിരുന്നു നാന. സ്ട്രെയിറ്റ്ഫോര്‍വേര്‍ഡ്. റഫ്, സത്യസന്ധം. പിന്നെ ഏറ്റവും മനോഹരമായ ചിരിയും. സ്‌നേഹം പ്രകടിപ്പിക്കാന്‍ നാന ചെയ്യുന്നത്. ആദ്യം നിങ്ങളോട് കയര്‍ത്ത് സംസാരിക്കും. മൂന്നാമത്തെയോ നാലാമത്തെയോ ഇന്‍സള്‍ട്ടിന് ഇടയിലാകും അദ്ദേഹം കെട്ടിപ്പിക്കുകയായിരിന്നുവെന്ന് മനസിലാവുക.
അദ്ദേഹം എന്നെ സ്നേഹിച്ചിരുന്നു. ഞാന്‍ അദ്ദേഹത്തേയും സ്നേഹിച്ചിരുന്നു. അദ്ദേഹം വഴികാട്ടിയായിരുന്നു, ഗുരുവായിരുന്നു, വിമര്‍ശനകനും ആയിരുന്നു.കൂടുതല്‍ സംസാരിക്കാനും, ഒരിക്കല്‍ കൂടി തര്‍ക്കിക്കാനും ഒരു കപ്പ് ചായ പങ്കിടാനും ഒരിക്കല്‍ കൂടെ കാരംസ് കളിക്കാനും സാധിച്ചിരുന്നുവെങ്കില്‍…നിങ്ങളുടെ വിയോഗം വിടവ് സൃഷ്ടിക്കുന്നത് സിനിമാ ലോകത്ത് മാത്രമല്ല, എല്ലാ ഇന്ത്യാക്കാരുടേയും ഈ ലോകത്തിന്റേയും ഹൃദയത്തിലും കൂടെയാണ്. എനിക്ക് പറയാന്‍ സാധിക്കുന്നത് ഒന്ന് മാത്രമാണ്. നിങ്ങളെ ഞാന്‍ വല്ലാതെ മിസ് ചെയ്യും. ‘ഹീറോ ആകാന്‍ വേണ്ടി ഉള്ളിലെ നടനെ നഷ്ടപ്പെടുത്തരുത്’ എന്ന നിങ്ങളുടെ വാക്കുകള്‍ അവസാനം വരെ എന്റെ ഹൃദയത്തിലുണ്ടാകും. ലവ് യു, മിസ് യു ഡിയര്‍ലി.
