പൃഥ്വിരാജ്- വൈശാഖ്- ജിനു എബ്രഹാം കൂട്ടുകെട്ടില് ഒരുങ്ങിയ ‘ഖലീഫ’ ബ്ലോക്ക്ബസ്റ്റര് വിജയത്തിലേക്ക് കുതിക്കുന്നു. ചിത്രത്തിന് ആഗോള തലത്തില് ഗംഭീര ബോക്സ് ഓഫീസ് കലക്ഷനാണ് ലഭിക്കുന്നത്. വ്യാജ പ്രചരണങ്ങളെ പിന്തള്ളി ചിത്രത്തിന് മികച്ച പിന്തുണ പ്രേക്ഷകരില് നിന്നും ലഭിക്കുന്നുണ്ട്. ഫാമിലി – ആക്ഷന് എന്റെര്റ്റൈനെര് എന്ന നിലവില് പ്രേക്ഷകരെ തൃപ്തിപ്പെടുന്ന ചിത്രം ആഗോള ബോക്സ് ഓഫീസില് 35 കോടിയ്ക്ക് മുകളില് ഇതുവരെ കളക്ഷന് നേടിയിട്ടുണ്ട്. ചിത്രത്തിന് സോഷ്യല് മീഡിയ പിന്തുണയുമായി ഇന്ത്യന് ക്രിക്കറ്റ് താരങ്ങളും എത്തി എന്നതും ശ്രദ്ധേയമാണ്. സുരേഷ് റെയ്ന, ശ്രീശാന്ത് എന്നിവര് ഖലീഫയ്ക്ക് പിന്തുണയുമായി ഇന്സ്റ്റാഗ്രാം സ്റ്റോറി ഇട്ടിരുന്നു.
ചിത്രത്തിന്റെ രണ്ടാം ഭാഗമായ ‘ഖലീഫ ദി ലെഗസി’യുടെ പ്രഖ്യാപനം റിലീസ് ദിവസം തന്നെ അണിയറ പ്രവര്ത്തകര് പുറത്തു വിട്ടിരുന്നു. രണ്ടാം ഭാഗത്തില് ആരൊക്കെയാണ് കഥാപാത്രങ്ങളായി എത്തുന്നത് എന്നിങ്ങനെയുള്ള ചര്ച്ചകളും സോഷ്യല് മാധ്യമങ്ങളില് നടക്കുന്നുണ്ട്. പൃഥ്വിരാജിന്റെ മാസ്സും ആക്ഷനും പഞ്ച് ഡയലോഗും ജേക്സ് ബിജോയിയുടെ കിടിലന് സംഗീത സംവിധാനവും ഖലീഫയുടെ ഹൈലൈറ്റ്സാണ്. സിനിമ കണ്ടവരെല്ലാം പോസ്റ്റീവ് റെസ്പോണ്സാണ് നല്കുന്നത്. പൃഥ്വിരാജിന്റെ വ്യത്യസ്ത ലുക്കും മോഹന്ലാല് , സൗബിന് ഷഹീര്, ടോവിനോ എന്നിവരുടെ ഗസ്റ്റ് റോളും പ്രേക്ഷകരെ ശരിക്കും കോരിത്തരിപ്പിച്ചിട്ടുണ്ട്. കുടുംബ പ്രേക്ഷകര്ക്കും യുവാക്കള്ക്കും ആഘോഷമാക്കാനായി ഈ ഓണത്തിന് നല്ലൊരു വിരുന്ന് തന്നെയാണ് വൈശാഖ് പ്രേക്ഷകര്ക്ക് നല്കിയിരിക്കുന്നത്. പൃഥ്വിരാജിന്റെ ആക്ഷന് പരിവേഷത്തോടൊപ്പം വൈശാഖിന്റെ ട്രേഡ്മാര്ക്ക് മാസ്സ് പാക്കേജ് സംവിധാനവും ചേര്ന്നതോടെ സിനിമ ബോക്സ് ഓഫീസ് കയ്യടക്കുമെന്നാണ് മനസ്സിലാക്കാന് സാധിക്കുന്നത്. ജോമോന്.ടി.ജോണിന്റെ ഛായാഗ്രഹണവും ചമന് ചാക്കോയുടെ എഡിറ്റിറ്റിങ്ങും സിനിമയുടെ ആവേശത്തിന് മാറ്റ് കൂട്ടുന്നുണ്ട്.
ജിനു ഇന്നോവേഷന്സിന്റെ ബാനറില് നിര്മ്മിച്ച ചിത്രത്തിന്റെ തിരക്കഥയും നിര്മ്മാണവും ജിനു എബ്രഹാമാണ് വഹിച്ചത്. സൂരജ് കുമാര്, ശ്രീലാല് സൂരപാണി, സിജോ സെബാസ്റ്റ്യന് എന്നിവരാണ് സഹനിര്മ്മാതാക്കള്. മാളവിക ശര്മ്മ, നീല് നിതിന് മുകേഷ്, രഞ്ജി പണിക്കര്, സഞ്ജു ശിവറാം, ശിവജിത്, ഇന്ദ്രന്സ്, ഷമ്മി തിലകന്, ഷൈന് വര്ഗീസ്, ആനന്ദ് മന്മഥന്, ഡോണ് മൈക്കിള്, മോഹിനി, കൈറാ, മാസ്റ്റര് നഫാഷ് തുടങ്ങിയവരും ചിത്രത്തിലുണ്ട്. ഛായാഗ്രഹണം: ജോമോന് ടി ജോണ്, സംഗീതം: ജേക്സ് ബിജോയ്, എഡിറ്റിംഗ്: ചമന് ചാക്കോ, പ്രൊഡക്ഷന് ഡിസൈനര്: മോഹന്ദാസ്, ആക്ഷന്: യാനിക്ക് ബെന്, ഫീനിക്സ് പ്രഭു, ചേതന് ഡിസൂസ, കോ ഡയറക്ടര്: സുരേഷ് ദിവാകര്, എക്സിക്യൂട്ടീവ് പ്രൊഡ്യൂസര്: ഷൈന് വര്ഗീസ്, കോസ്റ്റ്യൂംസ്: മഷര് ഹംസ, കലാസംവിധാനം: വിശ്വനാഥ് അരവിന്ദ്, മേക്കപ്പ്: അമല് ചന്ദ്രന്, സൗണ്ട് ഡിസൈന്: സിങ്ക് സിനിമ, അഡീഷണല് മ്യൂസിക്: ജാബിര് സുലൈം, ഫൈനല് മിക്സ്: എം ആര് രാജാകൃഷ്ണന്, പ്രൊഡക്ഷന് കണ്ട്രോളര്: റെനി ദിവാകര്, വിനോഷ് കൈമള്, കളറിസ്റ്റ്: ശ്രീക്ക് വാര്യര്, പോസ്റ്റര് ഡിസൈന്: എയ്സ്തെറ്റിക്ക് കുഞ്ഞമ്മ, ഡി ഐ: കളര് പ്ലാനറ്റ്, വിഎഫ്എക്സ്: പ്രശാന്ത് നായര് (3ഡിഎസ്), പ്രൊമോഷന്സ് ആന്ഡ് മാര്ക്കറ്റിങ്: വിപിന് കുമാര് പൊഫാറ്റിയോ, സ്റ്റില്സ്: സിനത് സേവ്യര്.
