മമിത അഭിനയിച്ച ഏറ്റവും പുതിയ തമിഴ് ചിത്രമായ വിശ്വനാഥ് ആന്റ് സണ്സ് തിയേറ്ററുകളില് വലിയ വിജയം സ്വന്തമാക്കുകയാണ്. സൂര്യ നായകനായി എത്തിയ ചിത്രത്തില് മാഡി എന്ന നായികാ കഥാപാത്രമായാണ് മമിത ബൈജു എത്തിയത്. ചിത്രത്തിന്റെ ആത്മാവ് മാഡിയാണ് എന്നായിരുന്നു റിലീസിന് മുന്പ് അണിയറ പ്രവര്ത്തകര് പറഞ്ഞത്. ആ വാക്കുകള് ഇപ്പോള് പ്രേക്ഷകരും ഏറ്റെടുത്തിരിക്കുകയാണ്. ചിത്രത്തിലെ പ്രകടനത്തിന് തനിക്ക് ഒട്ടേറെ പ്രശംസകള് ലഭിച്ചുവെന്ന് മമിത ബൈജു സക്സസ് മീറ്റില് വെച്ച് മനസ് തുറന്നു. സിനിമാ ടീമിനോടും പ്രേക്ഷകരോടും നന്ദി പറഞ്ഞ മമിത തന്റെ മനസിന് ഏറ്റവും സന്തോഷം നല്കിയ നിമിഷത്തെ കുറിച്ചും വേദിയില് വെച്ച് സംസാരിച്ചു.
വിശ്വനാഥ് ആന്റ് സണ്സിലെ പട്ടാംപൂച്ചി എന്ന പാട്ടിനും കോമഡി സീനുകള്ക്കും ചെറിയ കുട്ടികളുടെ ഭാഗത്ത് നിന്നും ലഭിച്ച റെസ്പോണ്സ് ഏറെ സന്തോഷിപ്പിച്ചു എന്നാണ് മമിതയുടെ വാക്കുകള്. ‘വിശ്വനാഥ് ആന്റ് സണ്സ് കണ്ട് ഒരുപാട് പേര് എന്നെ അഭിനന്ദിച്ചു.
അതില് ഞാന് ഓര്മയില് സൂക്ഷിക്കുന്ന കുറെ നിമിഷങ്ങളുമുണ്ട്. എന്നാല് എന്റെ മനസിനെ ഏറ്റവും സ്പര്ശിച്ച മറ്റൊരു കാര്യമുണ്ട്.തിയേറ്ററില് നിന്നുള്ള ചില വീഡിയോസ് ഞാന് കഴിഞ്ഞ ദിവസം കണ്ടിരുന്നു. അതില് ചെറിയ കുട്ടികള് പട്ടാംപൂച്ചി പാട്ടിന്റെ സീനില് സീറ്റില് നിന്നും ഇറങ്ങിവന്ന് ഡാന്സ് കളിക്കുന്നത് കണ്ടു. കോമഡി സീനുകളില് അവര് എല്ലാം മറന്ന് ചിരിക്കുന്നത് കണ്ടു. അത് കണ്ടപ്പോള് എനിക്ക് ഒരുപാട് സന്തോഷം തോന്നി.ആ കുട്ടികളില് വര്ഷങ്ങള്ക്ക് മുന്പുള്ള എന്നെ തന്നെയാണ് ഞാന് കണ്ടത്. നല്ലൊരു സിനിമ തിയേറ്ററില് ഇരുന്ന് കാണുന്ന സമയത്ത് ഞാനും ഇതുപോലെ ചിരിച്ചും ഡാന്സ് ചെയ്തും. ആഘോഷിച്ചിട്ടുണ്ട്. ഇന്ന് എന്റെ ഒരു സിനിമ കണ്ട് കുട്ടികള് അതുപോലെ സന്തോഷിക്കുന്നത് കണ്ടത് എനിക്ക് മറക്കാനാകില്ല,’ മമിത ബൈജു പറഞ്ഞു.
