തുടരും എന്ന സൂപ്പര്ഹിറ്റ് ചിത്രത്തിന് ശേഷം മോഹന്ലാലിനെ നായകനാക്കി തരുണ് മൂര്ത്തി സംവിധാനം ചെയ്യുന്ന ‘അതിമനോഹരം’ എന്ന സിനിമയുടെ റിലീസ് തീയതി പുറത്ത്. മോഹന്ലാല് പങ്കുവച്ച ചിത്രത്തിന്റെ റിലീസ് പോസ്റ്ററിലൂടെയാണ് തീയതി അണിയറപ്രവര്ത്തകര് പങ്കുവച്ചിരിക്കുന്നത്. ക്രിസ്മസ് റിലീസായി ഡിസംബര് 24 ന് ചിത്രം തിയറ്ററുകളിലെത്തും.’കുടുംബമെന്ന് അയാള് വിളിക്കുന്ന ആളുകളില് അയാളുടെ ലോകം തുടങ്ങുകയും ഒടുങ്ങുകയും ചെയ്യുന്നു’, എന്ന ക്യാപ്ഷനോടെയാണ് മോഹന്ലാല് പോസ്റ്റര് പങ്കുവെച്ചത്. പോസ്റ്ററില് മോഹന്ലാലിനൊപ്പം ചിത്രത്തിലെ നായിക മീര ജാസ്മിനുമുണ്ട്. മീര ജാസ്മിന് അവതരിപ്പിക്കുന്ന കഥാപാത്രത്തിന്റെ സാരി ഞൊറിഞ്ഞുടുക്കാന് സഹായിക്കുന്ന മോഹന്ലാലിനെ പോസ്റ്ററില് കാണാം.
ചിത്രത്തിനായി മോഹന്ലാല് താടി വടിച്ചത് ഏറെ വൈറലായിരുന്നു. മീശ പിരിച്ചുള്ള മോഹന്ലാലിന്റെ ചിത്രം ആരാധകര് ഉള്പ്പെടെ ഏറ്റെടുത്തു ആഘോഷമാക്കിയിരുന്നു. ആഷിഖ് ഉസ്മാന് പ്രൊഡക്ഷന്സിന്റെ ബാനറില് മോഹന്ലാല് ആദ്യമായി നായകനാകുന്ന ചിത്രം കൂടിയാണ് അതിമനോഹരം. നേരത്തെ ഓസ്റ്റിന് ഡാന് തോമസിന്റെ സംവിധാനത്തില് രതീഷ് രവിയുടെ തിരക്കഥയില് L365 അനൗണ്സ് ചെയ്തിരുന്നു. പൊലീസ് യൂണിഫോമിന്റെ ചിത്രവുമായാണ് ഇതിന്റെ പോസ്റ്റര് എത്തിയിരുന്നത്. പിന്നീട് ഓസ്റ്റിന് ഈ ചിത്രത്തില് നിന്ന് മാറുകയും തരുണ് മൂര്ത്തിയുടെ സംവിധാനത്തില് L366 പ്രഖ്യാപിക്കപ്പെടുകയും ആയിരുന്നു. രതീഷ് രവി തന്നെയാണ് ഈ ചിത്രത്തിന്റെ തിരക്കഥ ഒരുക്കുന്നത്.
തുടരും ഉള്പ്പെടയുള്ള സിനിമകളുടെ ഛായാഗ്രാഹകനായ ഷാജി കുമാറാണ് ചിത്രത്തിന്റെ ക്യാമറ കൈകാര്യം ചെയ്യുന്നത്. സംഗീതം ജേക്സ് ബിജോയ് ആണ്. എഡിറ്റിംഗ് വിവേക് ഹര്ഷനും ആര്ട്ട് ഡയറക്ടര് ഗോകുല് ദാസുമാണ്. സൗണ്ട് ഡിസെന് വിഷ്ണു ഗോവിന്ജ് നിര്വഹിക്കുമ്പോള് കോസ്റ്റിയും ഡിസൈന് ചെയ്യുന്ന മഷര് ഹംസയാണ്. ദൃശ്യം 3 യ്ക്ക് ശേഷം മോഹന്ലാല് ഭാഗമാകുന്ന മലയാള സിനിമാ ഷൂട്ടിംഗാണ് ആണ് ഈ ചിത്രത്തിന്റേത്.
