ലോകമെമ്പാടും ആരാധകരെ സംബന്ധിച്ച ഹോളിവുഡ് ഫാന്റസി അഡ്വെഞ്ചർ മമ്മി ഫ്രാഞ്ചൈസിലേക്ക് മടങ്ങിയെത്താൻ ഓസ്കർ ജേതാവ് ബ്രെണ്ടൻ ഫ്രേസർ. ജിമ്മി ഫാളാണ് ഷോയിലൂടെയാണ് നടൻ ഇക്കാര്യം വെളിപ്പെടുത്തിയത്. നടന്റെ തിരിച്ചു വരവിനെ സംബന്ധിച്ച പ്രഖ്യാപനത്തെ കാണികൾ കരഘോഷത്തോടെയാണ് സ്വീകരിച്ചത്. “കഴിഞ്ഞ 20 വർഷങ്ങളായി ഞാനടക്കം ഒറിജിനൽ മുമ്മയിൽ അഭിനയിച്ച അഭിനേതാക്കളെയും, അണിയറപ്രവർത്തകരെയും ഏറെ കുഴപ്പിച്ച ചോദ്യമായ അടുത്ത മമ്മി ചിത്രം എപ്പോൾ എന്നതിന് ഉത്തരമായിരിക്കുകയാണ്. ഞാനും വർഷങ്ങളായി ഇങ്ങനെയൊരു വിളിക്കായി കാത്തിരിക്കുകയായിരുന്നു. എന്നാൽ അങ്ങനൊരു വിളി വരാത്തത് കൊണ്ടും, ഞാനില്ലാതെ വേറെ ചില മമ്മി ചിത്രങ്ങൾ പുറത്തിറങ്ങിയതിനാലും എനിക്ക് അധികം പ്രതീക്ഷയിലായിരുന്നു” ബ്രെണ്ടൻ ഫ്രേസർ പറയുന്നു.
മുമ്മിയിൽ ഫ്രേസർ അവതരിപ്പിച്ച റിക്ക് ഒ കോണൽ എന്ന കഥാപാത്രത്തിന്റെ ഐക്കോണിക്ക് ലുക്കിലേക്കെത്താനായി ബ്രെണ്ടൻ ഫ്രേസർ നിലവിൽ തന്റെ ശരീര ഭാരം കുറക്കാൻ ഒരുങ്ങുകയാണ് എന്നാണ് റിപോർട്ടുകൾ. ജിമ്മി ഫാലൻ ഷോയിൽ അദ്ദേഹം തന്നെ അത് വെളിപ്പെടുത്തുകയും ചെയ്തിരുന്നു. ബ്രെണ്ടൻ ഫ്രേസറിനെ കൂടാതെ 2 ചിത്രങ്ങളിൽ അദ്ദേഹത്തിന്റെ നായികയായ റേച്ചൽ വീസും വരാനിരിക്കുന്ന മമ്മി ചിത്രത്തിൽ എത്തിയേക്കുമെന്നും ആരാധകർ പ്രതീക്ഷിക്കുന്നുണ്ട്. ബ്രെണ്ടൻ ഫ്രേസറിന്റെ മമ്മി ചിത്രങ്ങൾക്ക് ശേഷം റിലീസ് ചെയ്ത ഒരു മമ്മി ചിത്രത്തിൽ ടോം ക്രൂസും നായകനായിരുന്നു. ഈ വർഷം അവസാനം ചിത്രീകരണം ആരംഭിക്കുന്ന ചിത്രം 2027 അവസാനത്തോടെ തിയറ്ററുകളിലെത്തുമെന്നാണ് പ്രതീക്ഷ.
