Tamil Cinema

തിയേറ്ററിനുള്ളിൽ പടക്കം പൊട്ടിച്ച് ആഘോഷം, ‘അട്ടഹാസം’ റീ റിലീസിനെ ഉത്സവമാക്കി അജിത് ഫാൻസ്‌

തമിഴിൽ ഇപ്പോൾ റീ റിലീസുകളുടെ കാലമാണ്. പഴയ ഹിറ്റ് സിനിമകളും അതിനൊപ്പം പണ്ട് ഹിറ്റാകാതെ പോയ ചില സിനിമകൾ ഉൾപ്പെടെ ഇപ്പോൾ ബിഗ് സ്ക്രീനിലേക്ക് തിരിച്ചെത്തുന്നുണ്ട്. ഇപ്പോഴിതാ അത്തരത്തിൽ ഒരു അജിത് ചിത്രമാണ് വീണ്ടും തമിഴ്നാടിനെ ഇളക്കിമറിക്കുന്നത്. അജിത്തിനെ നായകനാക്കി ശരൺ ഒരുക്കിയ അട്ടഹാസം ആണ് വീണ്ടും പ്രേക്ഷകരെ ഇളക്കിമറിക്കുന്നത്. കഴിഞ്ഞ വെള്ളിയാഴ്ച ആണ് സിനിമ വീണ്ടും റീ റിലീസ് ചെയ്തത്. വമ്പൻ വരവേൽപ്പാണ് സിനിമയ്ക്ക് അജിത് ആരാധകർ നൽകിയത്. അജിത്തിൻ്റെ പഞ്ച് ഡയലോഗിനും ഡാൻസിനുമൊത്ത് ആഘോഷിക്കുന്ന അജിത് ആരാധകരുടെ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.

തിയേറ്ററിനുള്ളിൽ പടക്കം പൊട്ടിച്ച് ആഘോഷിക്കുന്ന വീഡിയോയും ചർച്ചയാകുന്നുണ്ട്. ആദ്യ ദിനം മികച്ച കളക്ഷൻ നേടാനും സിനിമയ്ക്ക് സാധിച്ചിട്ടുണ്ട്. 26 ലക്ഷമാണ് സിനിമ ആദ്യ ദിനം നേടിയത്. ഇത് ഒപ്പമിറങ്ങിയ മറ്റൊരു റീ റിലീസ് സിനിമയായ സൂര്യയുടെ അഞ്ചാനെക്കാൾ ഉയർന്ന കളക്ഷൻ ആണ്. രണ്ടാം ദിനവും വലിയ മുന്നേറ്റമുണ്ടാക്കാൻ സിനിമയ്ക്ക് കഴിയുന്നുണ്ട്. അജിത് ഇരട്ടവേഷത്തിൽ എത്തിയ സിനിമയിൽ പൂജ, സുജാത, നിഴൽഗൽ രവി, ബാബു ആൻ്റണി, കരുണാസ് എന്നിവരാണ് മറ്റു പ്രധാന വേഷങ്ങളിൽ എത്തിയത്.

അതേസമയം, ഗുഡ് ബാഡ് അഗ്ലി ആണ് അവസാനമായി തിയേറ്ററിൽ എത്തിയ അജിത് ചിത്രം. ആഗോളതലത്തിൽ 200 കോടിക്ക് മുകളിൽ നേടിയ സിനിമ ഇപ്പോൾ നെറ്റ്ഫ്ലിക്സിലൂടെ സ്ട്രീം ചെയ്യുന്നുണ്ട്. തൃഷയും പ്രിയാവാര്യരുമാണ് ചിത്രത്തിലെ നായികമാര്‍. പ്രഭു, അര്‍ജുൻ ദാസ്, പ്രസന്ന, സുനില്‍, ഉഷ ഉതുപ്പ്, രാഹുല്‍ ദേവ്, റെഡിൻ കിംഗ്‍സ്ലെ, പ്രദീപ് കബ്ര, ഹാരി ജോഷ്, ബി എസ് അവിനാശ്, പ്രിയ പ്രകാശ് വാര്യര്‍, ടിന്നു ആനന്ദ്, ഷൈൻ ടോം ചാക്കോ എന്നിവരും കഥാപാത്രങ്ങളായി ഉണ്ട്. അഭിനന്ദൻ രാമാനുജൻ ആണ് ഛായാഗ്രാഹണം. ജി വി പ്രകാശ് കുമാര്‍ ആണ് ഗുഡ് ബാഡ് അഗ്ലിക്ക് സംഗീത സംവിധാനം നിര്‍വഹിച്ചിരിക്കുന്നത്.

Related Articles

Leave a Reply

Your email address will not be published. Required fields are marked *

Back to top button