Celebrity

‘റൗഡി ബേബി’ ഇപ്പോഴും ട്രോമ: ധനുഷ് സാർ പെടുത്തിയത് പോലെയാണ് തോന്നിയത്’, സായ് പല്ലവി

ആരാധകർക്കിടയിൽ തരംഗമായി മാറിയ ‘മാരി 2’ വിലെ ‘റൗഡി ബേബി’ എന്ന ഗാനരംഗത്തിന്റെ ചിത്രീകരണം ഓർക്കുമ്പോൾ ഇപ്പോഴും തനിക്ക് ട്രോമയാണെന്ന് തുറന്നുപറഞ്ഞ് നടി സായ് പല്ലവി. ബിഹൈൻഡ് വുഡ്‌സ് യൂട്യൂബ് ചാനലിന് നൽകിയ അഭിമുഖത്തിലാണ് ഗാനരംഗത്തിന് പിന്നിലെ അണിയറ സമ്മർദ്ദങ്ങളെക്കുറിച്ച് താരം മനസ്സ് തുറന്നത്. ലളിതമായ നൃത്തച്ചുവടുകൾ മതിയെന്ന ധാരണയിലായിരുന്നു താൻ സെറ്റിലെത്തിയതെന്നും എന്നാൽ പിന്നീട് കാര്യങ്ങൾ മാറിമറിയുകയായിരുന്നുവെന്നും സായ് പല്ലവി വ്യക്തമാക്കി. “എനിക്കത് ട്രോമയാണ്. ധനുഷ് സാർ വന്ന് പെടുത്തിയത് പോലെയാണ് എനിക്ക് തോന്നിയത്. അദ്ദേഹം നമുക്ക് ഈസിയായിട്ടുള്ള സ്റ്റെപ്സ് ചെയ്യാമെന്നാണ് ആദ്യം പറഞ്ഞത്. പിന്നെ പ്രഭുദേവ മാസ്റ്റർ വന്ന് ഒരു മൂന്നാല് തവണ റിഹേഴ്‌സൽ ചെയ്തു. പിന്നെ സെറ്റിൽ അത് ശരിയാവുന്നില്ലെന്ന് പറഞ്ഞ് അപ്പോൾ തന്നെ അങ്ങനെ മാറ്റി. എനിക്കത് ഭയങ്കര സ്‌ട്രെസായി. ഞാൻ ഈസി സ്റ്റെപ്സ് മതിയെന്ന് പറഞ്ഞിരുന്നു. സ്റ്റെപ് ഇടുന്നതിന് മുൻപ് ഞാൻ ഒളിഞ്ഞ് നോക്കും, അത് കണ്ടിട്ട് അവർ എന്നെ കാണാതെ ദൂരെ പോയി കൊറിയോഗ്രാഫി ചെയ്യുമായിരുന്നു.

രണ്ട് മൂന്ന് ടേക്കുകൾ കഴിഞ്ഞിട്ടും എനിക്ക് എന്റെ കോൺഫിഡൻസ് പോകുന്നത് പോലെയാണ് തോന്നിയത്. ഒരു ടേക്ക് കഴിയുമ്പോൾ തന്നെ ഞാൻ മതിയെന്ന് പറയുമായിരുന്നു. കാരണം ആ സ്റ്റെപ് ചെയ്യാൻ ബുദ്ധിമുട്ടായിരുന്നു, ധനുഷ് സാറായിരുന്നു അതിൽ കൂടുതൽ കഷ്ടപ്പെട്ടത്. ഓരോ തവണ എന്നെ പുഷ് ചെയ്യുമ്പോഴും എന്റെ ഡ്രസിലുള്ള സീക്വൻസ് അദ്ദേഹത്തിന്റെ കയ്യിൽ തട്ടുമായിരുന്നു. അത് നാലഞ്ചു തവണ ചെയ്തിട്ടാണ് ശരിയായത്”. – സായ് പല്ലവി പറഞ്ഞു. അതേസമയം, ധനുഷും സായ് പല്ലവിയും പ്രധാന വേഷത്തിലെത്തുന്ന ചിത്രമാണ് ‘ഓം: ഓപ്പറേഷന്‍ മോള്‍’. രാജ്കുമാര്‍ പെരിയസാമിയാണ് ചിത്രത്തിന്റെ സംവിധായകന്‍. മമ്മൂട്ടിയും ചിത്രത്തിൽ പ്രധാന വേഷത്തിൽ എത്തുന്നുണ്ട്. ചിത്രം നവംബര്‍ 20ന് ആഗോള റിലീസായി തിയേറ്ററുകളിലെത്തും. ചിത്രത്തിന്റെ കേരള വിതരണാവകാശം ബിനു ജോര്‍ജ് അലക്‌സാണ്ടര്‍ പ്രൊഡക്ഷന്‍സാണ് സ്വന്തമാക്കിയത്. റെഡ് ഹില്‍സ് കാര്‍ത്തികേയന്‍ എന്ന കഥാപാത്രമായി മമ്മൂട്ടി എത്തുമ്പോള്‍, ചിത്രത്തിലെ കേന്ദ്ര കഥാപാത്രത്തെ ധനുഷ് അവതരിപ്പിക്കുന്നു. ഐ.പി.എസ്. ഉദ്യോഗസ്ഥ നിത്യ റെഡ്ഡിയായാണ് സായ് പല്ലവി വേഷമിടുന്നത്.

Related Articles

Leave a Reply

Your email address will not be published. Required fields are marked *

Back to top button