‘പ്രേമലു’ എന്ന ഒരൊറ്റ ചിത്രത്തിലെ അമല് ഡേവിസ് എന്ന കഥാപാത്രത്തിലൂടെ മലയാളികളുടെ ഹൃദയം കീഴടക്കിയ നടനും എഡിറ്ററുമാണ് സംഗീത് പ്രതാപ്.അഭിനയത്തിലും എഡിറ്റിംഗിലും ഒരുപോലെ മികവു പുലർത്തുന്ന താരം, തന്റെ കരിയറിലെ ഏറ്റവും മികച്ച ഘട്ടത്തിലൂടെയാണ് ഇപ്പോള് കടന്നുപോകുന്നത്.
ജീവിതപങ്കാളിയായ ആൻസിയെ പരിചയപ്പെട്ടതും കണ്ണടച്ചുതുറക്കും വേഗത്തില് പ്രണയത്തിലായതുമായ സുന്ദരമായ ഓർമകള് പങ്കുവെക്കുകയാണ് സംഗീത് പ്രതാപ്.
പ്രൊഫഷണല് ജീവിതത്തിലെ വിജയങ്ങള്ക്കൊപ്പം വ്യക്തിജീവിതത്തിലെ വലിയൊരു സന്തോഷവും സംഗീതിനെ തേടിയെത്തിയിരിക്കുകയാണ്; തങ്ങളുടെ ആദ്യത്തെ കണ്മണിയെ വരവേല്ക്കാനുള്ള ഒരുക്കത്തിലാണ് സംഗീതും ഭാര്യ ആൻസിയും (മാളു).
ഇപ്പോഴിതാ, ജീവിതപങ്കാളിയായ ആൻസിയെ പരിചയപ്പെട്ടതും കണ്ണടച്ചുതുറക്കും വേഗത്തില് പ്രണയത്തിലായതുമായ സുന്ദരമായ ഓർമകള് പങ്കുവെക്കുകയാണ് സംഗീത്. അവതാരക ധന്യ വർമ്മയ്ക്ക് നല്കിയ അഭിമുഖത്തിലാണ് സിനിമാക്കഥകളെ പോലും വെല്ലുന്ന തങ്ങളുടെ പ്രണയവും വിവാഹവും സംഗീത് തുറന്നുപറഞ്ഞത്.
“എനിക്കൊരു നീണ്ട പ്രണയമുണ്ടായിരുന്നു, 9 വർഷത്തോളം പഴക്കമുള്ള ആ പ്രണയം നഷ്ടമായി അതിന്റെ വിഷമത്തില് ഇരിക്കുമ്പോഴാണ് മാളുവിനെ (ആൻസി) പരിചയപ്പെടുന്നത്. എന്റെ സുഹൃത്തിന്റെ അനിയത്തിയായിരുന്നു മാളു. മാളുവിന് പിറന്നാള് ആശംസകള് നേർന്നുകൊണ്ടാണ് ആദ്യമായി പരിചയപ്പെടുന്നത്. അന്ന് മുഴുവൻ ഞങ്ങള് ചാറ്റ് ചെയ്തു, അന്നും പിറ്റേന്നുമൊക്കെ നിർത്താതെ സംസാരിച്ചു. മാളു ഒരുപാട് ജെനുവിനായൊരു ആളായി തോന്നി, വല്ലാത്തൊരു അടുപ്പം തോന്നി. പരിചയപ്പെട്ട് മൂന്നാം ദിവസം ഞാൻ പ്രൊപ്പോസ് ചെയ്തു, അഞ്ചാം ദിവസം അവളും ഓക്കെ പറഞ്ഞു. പതിനഞ്ചാം ദിവസം മാളുവിന്റെ സഹോദരനോടും കാര്യം പറഞ്ഞു, എനിക്ക് മാളുവിനെ കല്യാണം കഴിക്കാൻ ആഗ്രഹമുണ്ട്, അപ്പോഴേക്കും ഞങ്ങള് പ്രണയകൊടുമുടിയില് എത്തിയിരുന്നു. അപ്പോഴൊന്നും ഞങ്ങള് നേരില് കണ്ടിട്ടില്ലായിരുന്നു എന്നതാണ് മറ്റൊരു കൗതുകം. പിന്നെ എല്ലാം പെട്ടെന്നായിരുന്നു,” സംഗീത് പറഞ്ഞു.
ഞങ്ങളുടെ ബന്ധത്തിന്റെ ഭംഗി, മാളു തന്നെയാണ്. ഞാൻ വളരെ ഡിപ്പൻഡ് ആയ ഒരാളാണ്, സ്നേഹം തേടുന്ന ഒരാളാണ്. മാളു ആണ് എന്റെ ഹോം. എന്തു പ്രശ്നത്തില് നിന്നാണെങ്കിലും അങ്ങോട്ട് ചെല്ലുക എന്നതാണ് എന്റെ സമാധാനം. ഞാൻ പൊതുവെ പീപ്പിള് പ്ലീസറായിട്ടുള്ള ആളാണ്. എന്നാല് ഞാൻ എന്തെങ്കിലും കാര്യത്തിന് വിഷമിപ്പിച്ചിട്ടുള്ളത് നിന്നെയാണെന്ന് ഞാൻ മാളുവിനോട് പറയാറുണ്ട്.
Report Credit – Cine Media Promotions
