ലോ ആന്റെ ഓര്ഡറിലെ ‘നീലക്കണ്ണകളുള്ളൊരു വെണ് മേഘ പക്ഷി…’ആദ്യ വീഡിയോ ഗാനമെത്തി. ഷിബു ചക്രവര്ത്തി രചിച്ച് നവാഗതനായ ജോ ദാനിയേല് കുര്യാക്കോസ് ഈണമിട്ട ഈ ഗാനം ആലപിച്ചിരിക്കുന്നത് യുവഗായകരില് ഏറെ ശ്രദ്ധേയനായ കപില് കപിലനാണ്. രഞ്ജിത്ത് സംവിധാനം ചെയ്യുന്ന ലോ ആന്റെ ഓര്ഡറിലെ ഇന്നു പുറത്തുവിട്ട വീഡിയോ ഗാനമാണിത്. ഈ ചിത്രത്തിലൂടെ രഞ്ചിത്ത് പുതിയൊരു സംഗീത സംവിധായകനേക്കൂടി മലയാള സിനിമക്കു പരിചയപ്പെടുത്തുന്നു. ജോ ദാനിയേല് കുര്യാക്കോസ്. സത്യം സിനിമാസ്, മഹാ സുബൈര് മൂവി ക്ഷേത്രയുടെ ബാനറില് പ്രേമചന്ദ്രന് ഏ ജി മഹാ സുബൈര് എന്നിവരാണ് ഈ ചിത്രം നിര്മ്മിക്കുന്നത്. സെപ്റ്റംബര് നാലിന് പ്രദര്ശനത്തിനെത്തുന്ന ഈ ചിത്രത്തിന്റെ പ്രമോഷന്റെ ഭാഗമായിട്ടാണ് ഈ വീഡിയോ ഗാനം പുറത്തുവിട്ടിരി ക്കുന്നത്.
തുടരും സിനിമയിലെ ജോര്ജ് സാറിനെ അവതരിപ്പിച്ച് കൈയ്യടി നേടിയ പ്രകാശ് വര്മ്മ, മലയാളത്തിന്റെ മുന്നായികയും സമീപകാലത്ത് ബ്ലാസ്റ്റ് എന്ന തമിഴ് ചിത്രത്തിലൂടെ പ്രേഷകരെവിസ്മയിപ്പിക്കുകയും ചെയ്ത അഭിരാമിയുടേയും ഷോട്ടുകളിലൂടെ ആരംഭിക്കുന്ന ഈ ഗാനം പിന്നീട് അഞ്ചു ചെറുപ്പക്കാരുടെ ആനന്ദ മുഹൂര്ത്തങ്ങളിലേക്കും അവരുടെ കുടുംബ ജീവിതങ്ങളിലേക്കുമൊക്കെയാണ് കടന്നുചെല്ലുന്നത്. അഞ്ചു ചെറുപ്പക്കാരുടെ ഈ സന്തോഷമുഹൂര്ത്തങ്ങള്, മനോഹരമായ നിരവധി ദൃശ്യ വിരുന്നിലൂടെ വരച്ചുകാട്ടുമ്പോള് പ്രേഷകനും നവ്യമായ ഒരനുഭൂതി സമ്മാനിക്കുമെന്നതില് സംശയമില്ല.
നിരവധി മനോഹരമായ ലൊക്കേഷനുകളി ലൂടെയാണ് ഈ ഗാനം കടന്നുപോകുന്നത്. യൂത്തിനെ ഏറെ ആകര്ഷിക്കുന്ന തായിരിക്കും ഈ ഗാനം. പൂര്ണ്ണമായും ഒരു പൊലീസ് സ്റ്റോറി ആക്ഷന് ത്രില്ലര് ജോണറില് അവതരിപ്പിക്കുന്ന ചിത്രമാണ് ലോ ആന്ഡ് ഓര്ഡര്. റിയലിസ്റ്റിക്ക് ആക്ഷന് ത്രില്ലര് ചിത്രമെന്ന് ഈ ചിത്രത്തെ വിശേഷിപ്പിക്കാം. തൊണ്ണൂറു ദിവസത്തോളം വ്യത്യസ്ഥമായ ലൊക്കേഷനുകളി ലൂടെ ചിത്രീകരിച്ച ഈ ചിത്രം വലിയ മുതല്മുടക്കിലാണ് എത്തുന്നത്. കൊച്ചി, തിരുവനന്തപുരം, കോട്ടയം, വയനാട്, കണ്ണൂര് എന്നിവിടങ്ങളിലുമായിട്ടാണ് ചിത്രീകരണം പൂര്ത്തിയായിരിക്കുന്നത്.
ദക്ഷിണേന്ത്യന് സിനിമയിലെ മികച്ച ആക്ഷന് കോറിയോഗ്രാഫേഴ്സ് ആയ, ഫീനിക്സ് പ്രദൂ, പിസി സ്റ്റണ്ട്സ്, മാഫിയാ ശശി എന്നിവരാണ് ഈ ചിത്രത്തിന്റെ ആക്ഷനുകള് ഒരുക്കുന്നത്. ഋതു ദേവ് അയ്യപ്പന് ,ഷനൂദ് ഇബ്രാഹിം, ഡോണ് മൈക്കിള്, സജന് സുദര്ശന്, നിജാദ് ബാബു തോമസ് ഷെര്ഷ ഷെരിഫ്, റിനോഷ് ജോര്ജ്, അമല് ജോസ് ആന്റെണി, ബോബി കുര്യന്, വി കെ പ്രകാശ്, സുരേഷ് കൃഷ്ണ, ജോയ് മാത്യു, ദേവന്, ആനന്ദ് മന്മഥന്, ജോണി ആന്റണി, ഭീമന്രഘു, നന്ദു ജെയ്സ് ജോസ്, അസിം ജമാല്, ഗായത്രി അശോക്, അജയ് വാസുദേവ്, ശങ്കര് രാമകൃഷ്ണന്, നന്ദന് ഉണ്ണി അക്ഷയ് രാധാകൃഷ്ണന് , മോഹന് ജോസ്, മാധുരി , സാബുമോന്ഗുണ്ടു കാട് സാബു, മുരുകന്, സന്ധ്യാ രാജേന്ദ്രന്, വൈഷ്ണവി,രമാദേവി അംബികാനായര്, എന്നിവരും പ്രധാന താരങ്ങളാണ്.
ഗാനങ്ങള് – ഷിബു ചക്രവര്ത്തി, സംഗീതം – ജോ ഡാനിയേല്, പശ്ചാത്തല സംഗീതം ബിജിപാല്, ഛായാഗ്രഹണം – പ്രശാന്ത് രവീന്ദ്രന്, എഡിറ്റിംഗ് – മനോജ് കണ്ണോത്ത്. കലാസംവിധാനം – സാബു റാം. മേക്കപ്പ് – റോഷന് എന്. ജി. കോസ്റ്റ്യും ഡിസൈന്- സമീരാ സനീഷ്. സ്റ്റില്സ്- പ്രേംലാല് പട്ടാഴി. സൗണ്ട് ഡിസൈന് -കിഷന് സപ്താ. ലൈന് പ്രൊഡ്യൂസര്-സുനില് സിംഗ്. ചീഫ് അസ്സോസ്സിയേറ്റ് ഡയറക്ടര്- വി ബോസ്. ഡിസൈന്-ആന്റണി സ്റ്റീഫന്. കാസ്റ്റിംഗ് ഡയറക്ടര്-ശാലിനി. പ്രൊഡക്ഷന് എക്സിക്യൂട്ടീവ്-പ്രസാദ് നമ്പ്യാങ്കാവ്. പ്രൊഡക്ഷന് കണ്ട്രോളര്- പ്രശാന്ത് നാരായണന്. പിആര്ഒ-എസ് ദിനേശ്, മഞ്ജു ഗോപിനാഥ്. മാര്ക്കറ്റിംഗ്-ബ്രിങ്ഫോര്ത്ത്.
