പത്തൊമ്പതാം നൂറ്റാണ്ട് എന്ന ചിത്രത്തിന് ശേഷം പുതിയ ഫാന്റസി ത്രില്ലര് സിനിമ പ്രഖ്യാപിച്ച് സംവിധായകന് വിനയന്. മൂന്ന് ലോകങ്ങള് ഒന്നിക്കുമ്പോള് അത്ഭുതങ്ങള് സംഭവിക്കുന്നു എന്ന ടാഗ് ലൈനോടെയാണ് പോസ്റ്റ് പങ്കുവച്ചിരിക്കുന്നത്. ഇതുവരെ പറയാത്ത രീതിയിലുള്ള സ്റ്റോറി ടെല്ലിങ്ങാണ് പുതിയ സിനിമയില് ആവിഷ്കരിക്കുന്നതെന്ന് വിനയന് ഫെയ്സ്ബുക്കില് കുറിച്ചു. സിനിമയിലെ താരങ്ങളുടെ വിവരമടക്കം ഉടന് പുറത്തുവിടുമെന്നും സംവിധായകന് അറിയിച്ചു.
വിനയന്റെ കുറിപ്പ്
‘അങ്ങനെ ‘പത്തൊമ്പതാം നൂറ്റാണ്ട്’ എന്ന ചരിത്ര സിനിമയ്ക്ക് ശേഷം ഒരു ത്രില്ലിംഗ് ഫാന്റസി സ്റ്റോറിയുമായി നിങ്ങളുടെ മുന്നിലേക്കെത്താന് തീരുമാനിച്ചിരിക്കുന്നു. ചിത്രത്തിന്റെ ക്രൂവിനെപ്പറ്റിയും താരങ്ങളെ കുറിച്ചുമുള്ള വിശദാംശങ്ങള് അടുത്തു തന്നെ എറണാകുളത്തു നടക്കുന്ന ടൈറ്റില് ലോഞ്ച് ചടങ്ങില് അനൗണ്സ് ചെയ്യും.കണ്ടന്റിന്റെ ക്വാളിറ്റിയാണല്ലോ ഇന്നത്തെ സിനിമയുടെ മുഖമുദ്ര…. എന്നും എന്റെ പരീക്ഷണ ശ്രമങ്ങളേയും പുതുമകളേയും സപ്പോര്ട്ടു ചെയ്തിട്ടുള്ള നിങ്ങള് ഇതുവരെ പറയാത്ത രീതിയിലുള്ള ഈ സ്റ്റോറി ടെല്ലിംഗും ഇഷ്ടപ്പെടുമെന്ന പ്രതീക്ഷയിലാണ്.. നിങ്ങളുടെ അനുഗ്രഹം ഉണ്ടാകണം’.- വിനയന് കുറിച്ചു.
വിനയന്റെ മറ്റ് ചിത്രങ്ങളായ അതിശയന്, അത്ഭുതദ്വീപ്, ആകാശഗംഗ മുതലായ ചിത്രങ്ങളെ പോസ്റ്റര് ഓര്മിപ്പിക്കുന്നുണ്ട്. ലോകേഷ് സിനിമാറ്റിക് യൂണിവേഴ്സ് ഒക്കെപ്പോലെ തന്റെ കഥാപാത്രങ്ങളെ അണിനിരത്തിയുള്ള വിനയന് സിനിമാറ്റിക് യൂണിവേഴ്സാണോ സംവിധായകന്റെ മനസിലെന്നാണ് സോഷ്യല് മീഡിയയില് ചിലരുടെ ചോദ്യം. മലയാളം, തമിഴ്, തെലുങ്കു, ഹിന്ദി, കന്നഡ ഭാഷകളില് ചിത്രം ഇറക്കും.
