സൈജു കുറുപ്പിന്റെ അഭിനയജീവിതത്തിലെ 150-ാമത് ചിത്രമായ ‘ഭരതനാട്യം 2: മോഹിനിയാട്ട’ത്തിലെ രണ്ടാമത്തെ ഗാനത്തിന്റെ ലിറിക്കൽ വീഡിയോ പുറത്തിറങ്ങി. മുത്തുവിന്റെ വരികൾക്ക് ഇലക്ട്രോണിക്ക് കിളി സംഗീതം നൽകി ആലപിച്ച ഗാനമാണ് ഇപ്പോൾ പുറത്തു വന്നിരിക്കുന്നത്. കൃഷ്ണദാസ് മുരളി സംവിധാനം ചെയ്യുന്ന ചിത്രം ഏപ്രിൽ 10-ന് തിയേറ്ററുകളിൽ പ്രദർശനത്തിനെത്തും. സൈജു കുറുപ്പ് എന്റർടൈൻമെന്റ്സും തോമസ് തിരുവല്ല ഫിലിംസും ചേർന്നാണ് ചിത്രം നിർമ്മിക്കുന്നത്.
ലിനി മറിയം ഡേവിഡ്, അനുപമ ബി. നമ്പ്യാർ എന്നിവർ നിർമ്മാണ പങ്കാളികളായ ഈ ചിത്രം സൈജു കുറുപ്പിന്റെ സ്വന്തം പ്രൊഡക്ഷൻ കമ്പനിയുടെ ബാനറിലായതുകൊണ്ട് തന്നെ വലിയ പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്. ഏപ്രിൽ 10-ന് ചിത്രം തിയേറ്ററുകളിൽ എത്തുന്നതോടെ സൈജു കുറുപ്പിന്റെ കരിയറിലെ ഈ നാഴികക്കല്ല് ആരാധകർക്ക് വലിയ ആഘോഷമാകും.
