പമ്പാഗണപതി എന്നു തുടങ്ങുന്ന ഗാനം ജാതിമതഭേദമില്ലാതെ മലയാളികള് ഏറ്റുപാടുന്ന ഗാനമാണ്. ഇന്ന് പലരും സ്റ്റേജ് ഷോകളില് ഭക്തിനിര്ഭരമാക്കുന്നതിനപ്പുറം കാണികളെ ആവേശം കൊള്ളിക്കാനും ഈ പാട്ടു പാടാറുണ്ട്. പട്ടാളം സിനിമയിലെ ഈ ഗാനം എജി ശ്രീകുമാറാണ് പ്ലേബാക്കില് പാടിയിരിക്കുന്നത്. ഇപ്പോഴിതാ ഏറ്റുമാനൂര് മഹാദേവ ക്ഷേത്ര ഉത്സവത്തിന് എംജി ശ്രീകുമാര് ഈ ഗാനം ആലപിക്കുന്ന വീഡിയോയാണ് സോഷ്യല് മീഡിയയില് വൈറലാകുന്നത്. മറ്റ് ആരു വന്നു പാടിയാലും എംജി ശ്രീകുമാറിന്റെ തട്ട് താഴ്ന്ന തന്നെ ഇരിക്കുമെന്നും, എംജി അണ്ണന് സോഷ്യല് മീഡിയയ്ക്ക് തീയിട്ടിരിക്കുകയാണെന്നാണന്നുമൊക്കെയാണ് വീഡിയോയ്ക്ക് താഴെ വരുന്ന കമന്റുകള്.
എംജി ദ റിയല് ഒജി, അന്നും ഇന്നും ഒരേയൊരു എംജി, എംജിയും അയ്യപ്പനുമാണ് കോമ്പോ, പഴകുന്തോറും വീര്യം കൂടുന്ന വീഞ്ഞ്, കാലം ഏത് തന്നെയായാലും എംജി അണ്ണന്റെ പാട്ടുകള് മലയാളക്കരക്ക് എന്നും ഒരു വികാരമാണ്, ന്യൂ ജെന് ഇയാളുടെ മുന്നിലെന്ത് തുടങ്ങിയ കമന്റുകളൊക്കെ ഈ വീഡിയോയ്ക്ക് താഴെ കാണാന് സാധിക്കും. എംജി ശ്രീകുമാറും ഈ പരിപാടിയുടെ വീഡിയോയും ചിത്രങ്ങളും പങ്കുവച്ചിട്ടുണ്ട്. ആ വീഡിയോയ്ക്ക് താഴെയും നിരവധി കമന്റുകള് കാണാന് സാധിക്കും.
