അഭ്രപാളികളില് ആവേശമാകാൻ എത്തുന്ന അമരത്തിന്റെ 4K ട്രെയ്ലർ പുറത്ത്. 33 വര്ഷങ്ങള്ക്ക് ശേഷമാണ് അച്ചൂട്ടിയും കൂട്ടരും 4K ഡോൾബി അറ്റ്മോസ് ദൃശ്യമികവോടെ വീണ്ടും തിയേറ്ററുകളിലേക്ക് എത്തുന്നത്. നവംബർ 7 ന് ചിത്രം ഓൾ ഇന്ത്യ റിലീസായി തിയറ്ററുകളിലെത്തും. മമ്മൂട്ടി, മുരളി എന്നീ അതുല്യരായ അഭിനയ പ്രതിഭകളെ പ്രധാന കഥാപാത്രങ്ങളാക്കി ലോഹിതദാസിന്റെ തിരക്കഥയില് മലയാളത്തിന്റെ മാസ്റ്റര് ക്രാഫ്റ്റുമാനായിരുന്ന ഭരതന് ഒരുക്കിയ ചിത്രമാണ് അമരം. മലയാളത്തിലെ ക്ലാസിക്ക് ചി്ത്രങ്ങളുടെ പട്ടികയില് ഇടം നേടിയ ചിത്രം.
മമ്മൂട്ടിയെന്ന നടന വിസ്മയത്തിന്റെ ഏറ്റവും ശ്രദ്ധേയമായ പത്തുകഥാപാത്രങ്ങളില് ഒന്നാണ് അമരത്തിലെ അച്ചൂട്ടി. തുറയിലെ അരയരുടെ ജീവിത പശ്ചാത്തലം പ്രമേയമാക്കി ഭരതന് ഒരുക്കിയ ചിത്രം പ്രണയത്തിന്റേയും മനുഷ്യബന്ധങ്ങളിലെ തീവ്രാനുഭവങ്ങളുടേയും നേര്ക്കാഴ്ചയായിരുന്നു. മമ്മൂട്ടി, മുരളി എന്നിവര്ക്കൊപ്പം അശോകന്, മാതു, ചിത്ര, കെ പി എ സി ലളിത എന്നിവരെല്ലാം ചിത്രത്തില് ശ്രദ്ധേയമായ വേഷങ്ങളാണ് കൈകാര്യം ചെയ്തത്.
