ഗോൾഡൻ പിക്ച്ചേഴ്സിന്റെ ബാനറിൽ അനീഷ് ലീ അശോക് കഥ,തിരക്കഥയെഴുതി സംവിധാനം ചെയ്യുന്ന ‘കാകുൽസ്ഥ’ പാർട്ട്‌-1 എന്ന പാൻ ഇന്ത്യൻ ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസായി. 2014-ൽ റിലീസായ സൂപ്പർ ഹിറ്റ് ചിത്രം ഇതിഹാസയുടെ തിരക്കഥാകൃത്തായ അനീഷ് ലീ അശോക് ആദ്യമായി സംവിധായകനാവുന്നു എന്ന പ്രത്യേകതയും ചിത്രത്തിനുണ്ട്. നായകൻ ആരാകുമെന്നുള്ള കൗതുകവും ഏറേ പ്രതീക്ഷയും നിലനിർത്തി കൊണ്ടാണ് പോസ്റ്റർ പുറത്തിറക്കിട്ടുള്ളത്.
പ്രമുഖ താരങ്ങൾ അണിനിരക്കുന്ന യൂണിവേഴ്സൽ -റിയലിസ്റ്റിക് ഫാന്റസി -കോമഡി ചിത്രത്തിൻ്റെ ചിത്രീകരണം ഉടൻ ആരംഭിക്കും. പൊറിഞ്ചു മറിയം ജോസ്,പാപ്പൻ തുടങ്ങി ഒരുപാട് സൂപ്പർ ഹിറ്റ് ചിത്രങ്ങളുടെ പ്രൊജക്ട് ഹെഡായിരുന്ന സുമിത്ത് പുരുഷോത്തമൻ ഈ സിനിമയിൽ സഹകരിക്കുന്നുണ്ട്.
മാർക്കറ്റിംഗ്-ലിറ്റിൽ ഫ്രെയിംസ് എന്റർടൈമെന്റ്, ഡിജിറ്റൽ ആൻഡ് വിഷ്വൽ പ്രമോഷൻസ് – നന്ദു പ്രസാദ്. 2026 ദീപാവലി നാളിൽ ‘കാകുൽസ്ഥ’ -പാർട്ട്‌ -1 തിയേറ്ററുകളിലെത്തും.
