വാഴ 2 എന്ന ഇൻഡസ്ട്രി ഹിറ്റ് സിനിമയ്ക്ക് ശേഷം പുതിയ ചിത്രം പ്രഖ്യാപിച്ചിരിക്കുകയാണ് ഹാഷിർ. സിനിമയുടെ ടൈറ്റിൽ പോസ്റ്റർ പുറത്തുവന്നു. ഞൊടി എന്നാണ് സിനിമയുടെ പേര്. ജെ എസ് ജിതിൻ ആണ് സിനിമ സംവിധാനം ചെയ്യുന്നത്. ഹാഷിറിനൊപ്പം അമീൻ, ചന്തു സലിം കുമാർ, ലുക്മാൻ എന്നിവരും സിനിമയിൽ പ്രധാന വേഷങ്ങളിൽ എത്തുന്നുണ്ട്. അമൽ പോൾസൺ, ടോണി ജോസ് എന്നിവരാണ് സിനിമ നിർമിക്കുന്നത്. സൂപ്പർ ഡൂപ്പർ ഫിലിം, മിഡ്നെറ്റ് സൺ ഫിലിംസ് എന്നിവർ ചേർന്നാണ് സിനിമ നിർമിക്കുന്നത്. നേരത്തെ ഹാഷിർ നായകനായി എത്തിയ വാഴ 2 വമ്പൻ വിജയമാണ് നേടിയത്.
വിപിൻ ദാസ് രചനയും നിർമാണവും നിർവഹിച്ച ചിത്രം 200 കോടിക്ക് മുകളിൽ ആണ് ആഗോള തലത്തിൽ നിന്ന് വാരിക്കൂട്ടിയത്. മോഹൻലാലിന്റെ തുടരും കേരളത്തില് നിന്ന് നേടിയ ലൈഫ്ടൈം കളക്ഷനായ 118.90 കോടി രൂപയെ അടക്കം വാഴ 2 മറികടന്നിരുന്നു. ഹാഷിർ, അജിൻ, അലൻ, വിനായകൻ എന്നിവരുടെ പെർഫോമൻസിനൊപ്പം ബിജുക്കുട്ടൻ, സുധീഷ് തുടങ്ങിയവരുടെ പ്രകടനങ്ങളും വലിയ ശ്രദ്ധ പിടിച്ചുപറ്റി. കോമഡിയും ഇമോഷണൽ സീനുകളുമെല്ലാം ഒരുപോലെ പ്രേക്ഷകരുടെ ഹൃദയത്തിൽ തൊട്ടു. പാട്ടുകളും വൻ ഹിറ്റായി. തെലുങ്കിൽ ഡബ്ബ് ചെയ്തപ്പോഴും വലിയ വിജയമാണ് സിനിമ അവിടെ നിന്നും നേടിയത്.
