സൂപ്പര്‍സ്റ്റാര്‍ രജനികാന്തിനെ നായകനാക്കി ലോകേഷ് കനകരാജ് സംവിധാനം ചെയ്യുന്ന പുതിയ ചിത്രം ‘കൂലി’യുടെ പ്രീ പ്രൊഡക്ഷന്‍ ചടങ്ങ് സിനിമാലോകത്ത് വലിയ ചര്‍ച്ചകള്‍ക്ക് വഴിയൊരുക്കിയിരിക്കുകയാണ്. ചിത്രത്തിന്റെ പ്രഖ്യാപനവുമായി ബന്ധപ്പെട്ടു നടന്ന ചടങ്ങില്‍ സംവിധായകന്‍ ലോകേഷ് കനകരാജ് പങ്കുവച്ച വൈകാരികമായ ഒരു ഓര്‍മ്മയാണ് ഇപ്പോള്‍ ആരാധകരെ ആകര്‍ഷിച്ചിരിക്കുന്നത്. രജനികാന്തിന്റെ പഴയ സിനിമയിലെ ഒരു കൂലി കഥാപാത്രത്തിന് അദ്ദേഹം ഉപയോഗിച്ചിരുന്ന ബാഡ്ജ് നമ്പറിനെക്കുറിച്ച് ലോകേഷ് സംസാരിച്ചു. പഴയകാല സിനിമകളില്‍ രജനികാന്ത് ഉപയോഗിച്ചിരുന്നത് 777 അല്ലെങ്കില്‍ 786 പോലുള്ള നമ്പറുകളായിരുന്നു. എന്നാല്‍ പുതിയ ചിത്രമായ കൂലിയില്‍ താന്‍ 5821 എന്ന നമ്പര്‍ ഉപയോഗിച്ചതെന്തിനാണെന്ന് രജനികാന്ത് തന്നോടു ചോദിച്ചതായി ലോകേഷ് വെളിപ്പെടുത്തി.
ഷൂട്ടിംഗ് ലൊക്കേഷനിൽ വെച്ച് രജനികാന്ത് തന്നെ വിളിച്ചു, താൻ ധരിച്ചിരുന്ന ‘കൂലി’ ബാഡ്ജിലെ നമ്പർ ആയ 5821 എന്താണ് അർത്ഥമാക്കുന്നത് എന്ന് ചോദിച്ചു. ഇത് ഒരു സാധാരണ നമ്പർ ആണോ അതോ എന്തെങ്കിലും പ്രത്യേക കോഡിനെ സൂചിപ്പിക്കുന്നുണ്ടോ എന്നായിരുന്നു രജനികാന്തിന്റെ ചോദ്യം. ഇതിനു മറുപടിയായി ലോകേഷ് നൽകിയത് രജനികാന്തിനെ പോലും അത്ഭുതപ്പെടുത്തിയ ഒരു ഉത്തരമായിരുന്നു. 5821 എന്നത് തന്റെ അച്ഛന്റെ പഴയ കൂലി നമ്പർ ആയിരുന്നു എന്നും, ഒരു ബസ് കണ്ടക്ടറായിരുന്ന തന്റെ അച്ഛന്റെ ഓർമ്മയ്ക്കായിട്ടാണ് താൻ ആ നമ്പർ തിരഞ്ഞെടുത്തതെന്നും ലോകേഷ് വെളിപ്പെടുത്തി.
ഈ വാക്കുകൾ കേട്ട് വികാരഭരിതനായ രജനികാന്ത്, ‘എന്നിട്ട് എന്തുകൊണ്ട് ഇത്രയും നാൾ ഇത് എന്നോട് പറഞ്ഞില്ല?’ എന്ന് സ്നേഹത്തോടെ ചോദിച്ചു. ‘ഒരു ദിവസം സാർ എന്നോട് ഇതേക്കുറിച്ച് ചോദിക്കും. അത് അപ്പോൾ ഒരു മെമ്മറിയായി മാറും എന്ന് കരുതിയാണ്’ എന്നും ലോകേഷ് കൂട്ടിച്ചേർത്തു. ലോകേഷിന്റെ ഈ മറുപടി കേട്ട് സദസ്സിലിരുന്ന എല്ലാവരുടെയും കണ്ണുകൾ നനഞ്ഞു. പ്രത്യേകിച്ചും താൻ ആരാധിക്കുന്ന രജനികാന്തിനൊപ്പം പ്രവർത്തിക്കുമ്പോൾ, തന്റെ അച്ഛന്റെ ഓർമ്മകൾക്ക് അദ്ദേഹം നൽകിയ പ്രാധാന്യം ലോകേഷിന്റെ വാക്കുകളിൽ നിറഞ്ഞുനിന്നു.
